ಇವರನ್ನು ಅಭಿಮಾನಿಗಳೆಂದು ಯಾಕಾದರೂ ಕರೆಯಬೇಕು?

ಫೋಟೋ ಕೃಪೆ – ವಿಜಯ ಕರ್ನಾಟಕ.

ರಾಜಕುಮಾರ್ ನಿಧನಾರಾದಾಗ ನಡೆದ ರೀತಿಯ ಘಟನೆಗಳೇ ಮತ್ತೆ ವಿಷ್ಣು ಸಾವಿನ ಸಂದರ್ಭದಲ್ಲಿ ನಡೆದಿವೆ. ಯಾರೂ ಪ್ರಾಣಕಳೆದುಕೊಂಡಿಲ್ಲ ಎಂಬುದೊಂದು ಮಾತ್ರ ಸಮಾಧಾನ. ಆದರೆ ಆಸ್ತಿಪಾಸ್ತಿ ಹಾನಿ ಯಾರಪ್ಪನ ಹೊಣೆ? ನಿಜವಾದ ಅಭಿಮಾನಿಗಳು ಹೀಗೆ ಮಾಡಲು ಸಾಧ್ಯವೆ? ರಜೆ ಸಿಕ್ಕ ಕೂಡಲೇ ಸಿಕ್ಕಾಪಟ್ಟೆ ಕುಡಿದು ತೂರಾಡುತ್ತ ಅಸಹ್ಯವಾಗಿ ಕಿರುಚಾಡುತ್ತ ಅಂಗಡಿಗಳಿಗೆ ಕಲ್ಲು ಹೊಡೆಯುವ ಇವರು, ಈಗ ಮಾಡಿರುವುದು ರಾಜ್ಯದ ಅಪಮಾನ.

ಹಿಂದಿನ ಕಾಲದ ಲೆಟರ್ ಗಳು

1970 ನೇ ಇಸವಿಯಲ್ಲಿ ಅಂದರೆ ಸುಮಾರು 40 ವರ್ಷಗಳ ಹಿಂದೆ ನನ್ನ ಅಜ್ಜ, ನನ್ನಮ್ಮನಿಗೆ ಬರೆದ ಪತ್ರ ಇಲ್ಲಿದೆ. ಆ ಕಾಲದ ಅಕ್ಷರ, ಭಾಷೆ, ಎಲ್ಲವೂ ನಿಖರ – ನಿಖರ.

ಅಂದಕಾಲತ್ತಿಲ್ ಬೆಂಕಿಪೊಟ್ಟಣಗಳನ್ನು ನೋಡಿದ್ದೀರಾ?

ಮಿಡ್ಲ್ ಸ್ಕೂಲ್ ಹಾಗೂ ಹೈಸ್ಕೂಲ್ ನಲ್ಲಿರುವಾಗ ಬೆಂಕಿಪೊಟ್ಟಣಗಳನ್ನು ಸಂಗ್ರಹಿಸುವ ಹವ್ಯಾಸವಿತ್ತು. ಸುಮಾರು 1000 ಬೆಂಕಿಪೊಟ್ಟಣಗಳನ್ನು ಸಂಗ್ರಹಿಸಿದ್ದೆ. ತಿಪ್ಪೆಗುಂಡಿಯಿಂದ ಹಿಡಿದು ಫೈವ್ ಸ್ಟಾರ್ ಹೋಟೆಲ್ ವರೆಗೂ ಎಲ್ಲವನ್ನೂ ಶೋಧಿಸಿ ಬೆಂಕಿಪೊಟ್ಟಣಗಳನ್ನು ಹುಡುಕುತ್ತಿದ್ದೆ. ಮೊನ್ನೆ ಅಟ್ಟದ ಮೇಲಿನ ಸಾಮಾನು ತೆಗೆಯುತ್ತಿದ್ದಾಗ ನನ್ನ ಹೈಸ್ಕೂಲು ದಿನದ ಬೆಂಕಿ ಪೊಟ್ಟಣಗಳು ಮತ್ತೆ ಕಣ್ಣಿಗೆ ಬಿದ್ದವು. ನಿಮಗೂ ಇವು ನೆನಪಿರಬಹುದು.

ವಜ್ರದ ರಸವನ್ನು ಎರಕ ಹೊಯ್ದ ಮೈಕಟ್ಟು

ಅಶ್ವಘೋಷ, ಸತ್ಯಕಾಮರ ಕೃತಿ. ಅದರಲ್ಲಿನ ಮೊದಲ ಪುಟದ ಸಾಲುಗಳು ನನ್ನನ್ನು ತೀರ ಕಾಡಿದವು. ಅವು ಹೀಗಿವೆ.


ವಜ್ರದ ರಸವನ್ನು ಎರಕ ಹೊಯ್ದ ಮೈಕಟ್ಟು.

ಅಗಲವಾದ ಎದೆ, ನೀಳ ತೋಳುಗಳು.

ಎತ್ತರದ ನಿಲುವು, ಎಷ್ಟು ನೋಡಿದರೂ ಸಾಲದ ಚೆಲವು…

ತಮಗೆ ಕಣ್ಣಿದ್ದುದು ಸಾರ್ಥಕವಾಯಿತು,

ಇದು ನೋಡಿದ ಹಲವರ ಉಲ್ಲೇಖ.

ದಾರಿ ನಡೆಯುವವರೆಲ್ಲ ತಡೆದು ನಿಂತು ನೋಡುತ್ತಾರೆ. ನೋಡಿದ ಜನರ ತಲೆಯೊಳಗಿನ ಚಕ್ಕಕ್ಕೆ ಹೊಸಗತಿ. ನೋಡದ ಹಲವರಿಗೆ ಕುತೂಹಲ. ಹುಡುಗಿಯರಿಗೆ ಇವನೊಬ್ಬ ಇಮ್ಮಡಿ ರತಿಪತಿ.

ಈ ಹಾದಿಗೆ ಇವನು ಬಂದದ್ದು ಇಂದೇ. ಯಾರ ಕಣ್ಣೂ ಈ ಪುರುಷಸಿಂಹನನ್ನು ಹಿಡಿದು ನಿಲ್ಲಿಸುವುದಿಲ್ಲ. ಹಾಗೆಯೇ ಮುಂದೆ ಮುಂದೆ ಸಾಗಿದ್ದಾನೆ. ಈಗತ ಈತ ನಡೆದದ್ದು ನಗರದ ಒಂದು ಅಂಚಿನಲ್ಲಿ, ಅಲ್ಲ, ಸೆರಗಿನಲ್ಲಿ.

ಇದು ನಿಜವಾಗಿಯೂ ಸಾಕೇತದ ಸೆರಗು. ಸಾಕೇತದ ಆಕರ್ಷಕ ವಸ್ತುಗಳು ಇಲ್ಲಿವೆ. ನಗರದ ಸೌಂದರ್ಯದ ಭಂಡಾರವೇ ಇಲ್ಲಿದೆ. ಆತ ನಡೆಯುತ್ತಿದ್ದಂತೆಯೇ ಗಕ್ಕನೆ ನಿಂತ. ಸಿಂಹ ಚಕಿತವಾಗಿತ್ತು. ನಿಂತ ಎನ್ನುವುದರೊಳಗಾಗಿಯೇ ಮುಂದೆ ಬಂದಿದ್ದ. ಹಿಂದೆ ನೋಡಿದ. ಅದು ಸಿಂಹಾವಲೋಕನ.

ಅವನೇ ಶ್ರುತಿಸ್ತೋಮ, ಅಶ್ವಘೋಷ.

ಪತ್ರಕರ್ತರ ಕಷ್ಟಗಳು ಒಂದೆರಡಲ್ಲ….

ಇದು ಪ್ರತಿಯೊಬ್ಬ ಪತ್ರಕರ್ತನ ಬದುಕಿನ ಅನಿವಾರ್ಯ. ಇದರಿಂದ ತಪ್ಪಿಸಿಕೊಳ್ಳಲು ಸಾಧ್ಯವೇ ಇಲ್ಲ. ಅದೇ….ಸಾವಿನ ಸುದ್ಧಿಯನ್ನು ಖಚಿತಪಡಿಸುವುದು. “ಇಂತಿಂಥವರು, ಇಂತಿಂಥ ಸಮಯಕ್ಕೆ ಹಿಂಗಿಂಗಾಗಿ, ಹೆಂಗೆಂಗ್ ಇದ್ರೋ, ಹಂಗಂಗೆ ಸಾವನ್ನಪ್ಪಿದ್ದಾರೆ” ಎಂಬ ಢಂ ಢಂ ಸುದ್ದಿ ಬಂದುಬಿಡುತ್ತದೆ. ಚೀಫ್ ಗೆ ಬಂದ ಯಾವುದೋ ಫೋನ್ ಕರೆ, ಪತ್ರಕರ್ತನ ಗೆಳೆಯ ದೂಕಿದ ಪ್ರಶ್ನಾರ್ಥಕ ಚಿಹ್ನೆಯಿರುವ ಎಸ್ಎಂಎಸ್, ಆಫೀಸಿನ ಸೆಕ್ಯುರಿಟಿ ಗಾರ್ಡ್ ಉದುರಿಸಿದ ಅಣಿಮುತ್ತು, “ಆ ಚಾನಲ್ ನಲ್ಲಿ ಈಗಾಗಲೇ ಅದನ್ನು ಬ್ರೇಕಿಂಗ್ ಹೊಡೆಯುತ್ತಿದ್ದಾರಂತೆ” ಎಂಬ ಗಾಳಿ ಸುದ್ದಿ – ಹೀಗೆ ಯಾವುದಾದರೊಂದು ರೂಪದಲ್ಲಿ ಈ ಸಾವಿನ ಸುದ್ದಿಯೆಂಬುದು ಪತ್ರಕರ್ತನ ಕೊರಳಿಗೆ ಬೀಳುತ್ತದೆ. ನಂತರ ನಡೆಯುವುದೇ ಅದನ್ನು ಖಚಿತಪಡಿಸಿಕೊಳ್ಳುವ ದೊಂಬರಾಟ. ಪ್ರಿಂಟ್ ಮೀಡಿಯಾಗಿಂತ ಟಿವಿ ಮೀಡಿಯಾ ಪತ್ರಕರ್ತನಿಗೆ ಇದು ಹೆಚ್ಚಿನ ಸವಾಲು. ಯಾಕೆಂದರೆ “ಈಗಾಗಲೇ ಆ ಚಾನಲ್ ನಲ್ಲಿ ಬ್ರೇಕಿಂಗ್ ಹೊಡೆಯುತ್ತಿದ್ದಾರೆ” ಎಂಬ ಗಾಳಿ ಸುದ್ದಿ ಬೇರೆ ಬಂದಿರುತ್ತದ್ದಲ್ಲ…ಅದನ್ನು ಖಚಿತಪಡಿಸಿಕೊಳ್ಳೋಣವೆಂದರೆ ಈತ ಯಾವುದೋ ಸಂತೆಯಲ್ಲಿದ್ದಾನೆ. ಅವರು ಬ್ರೇಕಿಂಗ್ ಹೊಡೆಯುತ್ತಿದ್ದಾರೋ ಇಲ್ಲವೋ ಅನ್ನುವುದನ್ನು ಖಚಿತಪಡಿಸುತ್ತ ಕೂರುವುದಕ್ಕಿಂತ, ಸಾವಿನ ಸುದ್ದಿಯನ್ನೇ ಖಚಿತಪಡಿಸಿಕೊಂಡರೆ ಉತ್ತಮ ಎಂಬ ಪರಿಸ್ಥಿತಿ. ಒಮ್ಮೊಮ್ಮೆಯಂತೂ ಐಶ್ವರ್ಯ ರೈ, ಸಲ್ಮಾನ್ ಖಾನ್ ಮುಂತಾದ ಅತೀ ಅತೀ ಅತೀ ಇಂಪಾರ್ಟಂಟ್ ವ್ಯಕ್ತಿಗಳ ಸುದ್ದಿಯೇ ಹೀಗೆ ಬಂದು ಬಿಡುತ್ತದೆ. ಅದು ಎಷ್ಟರಮಟ್ಟಿಗೆ ಹಬ್ಬಿರುತ್ತದೆಂದರೆ ಅದನ್ನು ಕೇಳಿ ಕೇಳಿ ಒಂದು ಹಂತದಲ್ಲಿ ಪತ್ರಕರ್ತನಾದವನು ಸುದ್ದಿಯನ್ನು ಖಚಿತಪಡಿಸಿಕೊಳ್ಳುವದರ ಬದಲಾಗಿ ಆಯಾ ವ್ಯಕ್ತಿಗಳ ಬಯೋಡೇಟಾ ಸಂಗ್ರಹದಲ್ಲಿ ತೊಡಗಿಕೊಂಡು ಬಿಡುತ್ತಾನೆ.

ಇನ್ನು ಸಾವಿನ ಸುದ್ದಿಯನ್ನು ಖಚಿತಪಡಿಸಿಕೊಳ್ಳುವಾಗಲಂತೂ ತೀರ ಕೇರ್ ಫುಲ್ ಇರಬೇಕಾಗುತ್ತದೆ. “ಇಂತಹವರು ಸತ್ತರಂತೆ, ಹೌದೆ?” ಎಂದು ಫೋನಿನಲ್ಲಿ ಪತ್ರಕರ್ತ, ತನ್ನ ಸೋರ್ಸ್ ಗೆ ಕೇಳಿದ್ದರೆ, ಆ ಸೋರ್ಸ್ ಗೆ ‘ಹೌದೆ?’ ಕೇಳಿರುವುದೇ ಇಲ್ಲ. ಕೇವಲ “ಇಂತಹವು ಸತ್ತರಂತೆ” ಎಂದಷ್ಟೇ ಕೇಳಿರುತ್ತದೆ. ಆ ಸೋರ್ಸೋ, ಈ ಮರಣವಾರ್ತೆಯನ್ನು ತಾನೇ ಮೊದಲು ತನ್ನ ಪರಿಚಯದವರಿಗೆ ತಿಳಿಸಿಸಬೇಕು ಎಂಬ ಉತ್ ಉತ್ ಉತ್ ಉತ್ಸಾಹದಲ್ಲಿ ಪತ್ರಕರ್ತನ ಫೋನ್ ಕಟ್ ಮಾಡಿದವನೇ, so and so expired. ಎಂದು ಮೇಸುಜು ಕುಟ್ಟಿ ಸೆಂಡ್ ಟು ಆಲ್ ಆಪ್ಶನ್ ಒತ್ತಿಬಿಟ್ಟಿರುತ್ತಾನೆ. ಬರಗಾಲದಲ್ಲಿ ಅಧಿಕಮಾಸ ಅಂತ ಇದಕ್ಕೇ ಹೇಳುತ್ತಾರೆ.

ಒಮ್ಮೆ ಹೀಗಾಯಿತು. ಕೆಲ ವರ್ಷಗಳ ಹಿಂದಿನ ಮಾತು. ಚಲನಚಿತ್ರ ರಂಗಕ್ಕೆ ಸಂಬಂಧಿಸಿದ ಖ್ಯಾತನಾಮರೊಬ್ಬರು ತೀರಿಕೊಂಡಂರಂತೆ ಎಂಬ ಸುದ್ಧಿ ನ್ಯಾಷನಲ್ ಮೀಡಿಯಾದ ಪತ್ರಕರ್ತೆಯೊಬ್ಬಳಿಗೆ ಬಂತು. ಈ ನ್ಯಾಷನಲ್ ಮೀಡಿಯಾದವರಿಗೆ ಯಾವಾಗಲೂ ಸುದ್ದಿಯ ಮೂಲವನ್ನೇ ಹುಡುಕುವ ಹಂಬಲ. ಹೀಗಾಗಿ ಈ ಪತ್ರಕರ್ತೆ ಸೀದಾ ಆ ಖ್ಯಾತನಾಮರ ಮನೆಯ ಲ್ಯಾಂಡ್ ಲೈನಿಗೆ ಫೋನಾಯಿಸಿ ಬಿಟ್ಟಿದ್ದಾಳೆ. ಅಲ್ಲಿ ಯಾರೋ ಒಬ್ಬರು ಫೋನ್ ರಿಸೀವ್ ಮಾಡಿದ್ದಾರೆ. ಈಕೆ ತಾನು ಹಿಂಗಿಂಗೆ, ತನ್ನ ಹೆಸರು ಹಂಗಂಗೆ, ತಾನು ಇಲ್ಲಿಲ್ಲಿ ಕೆಲಸ ಮಾಡುತ್ತಿರುವ ಜರ್ನಲಿಸ್ಟು ಅಂದ ತಕ್ಷಣ ಆ ಕಡೆಯ ಧ್ವನಿ, ಯದ್ವಾ ತದ್ವಾ ಬಯ್ಯಲು ಆರಂಭಿಸಿದೆ. “ಹೌದಮ್ಮ, ನಾನು ಬದುಕಿರುವಾಗಲೇ ನೀವೆಲ್ಲ ನನ್ನ ಕೊಂದುಬಿಡ್ತಾ ಇದೀರಲ್ಲ…ನನ್ನ ಸಾವಿನ ಸುದ್ದಿ ನನಗೂ ಬಂದಿದೆ. ಇಂತಹ ಸುದ್ದಿಗಳನ್ನು ಹರಿಯ ಬಿಡೋರು ನೀವೇ….ಮತ್ತೆ ಫೋನ್ ಮಾಡಿ ಕನ್ ಫರ್ಮಾ ಅಂತ ಕೇಳೊರೂ ನೀವೇ… ಯಾಕೆ ನಂಗೆ ಹಿಂಗೆಲ್ಲ ತೊಂದ್ರೆ ಕೊಡ್ತಾ ಇದೀರಾ?” ಎಂದು ಎಗರಾಡಿದೆ. ಈಕೆ ಸಮಾ ಉಗಿಸಿಕೊಂಡು ಫೋನ್ ಇಟ್ಟಿದ್ದಾಳೆ.

ಇನ್ನು ಬೇರೆ ರೀತಿ ಎಡವಟ್ಟುಗಳಾಗುವ ಸಂಭವವೂ ಇರುತ್ತದೆ. ಪತ್ರಕರ್ತನಿಗೆ ಶೇ. 99 ಪ್ರತಿಶತ ಗೊತ್ತಿರುತ್ತದೆ ವ್ಯಕ್ತಿ ಇಹಲೋಕ ತ್ಯಜಿಸಿದ್ದಾರೆ ಎಂದು. ಆದರೆ ಆ ಒಂದು ಪ್ರತಿಶತ ಚಾನ್ಸ್ ಆದರೂ ಯಾಕೆ ತೆಗೆದುಕೊಳ್ಳಬೇಕು ಎಂದುಕೊಂಡು ಮತ್ತಷ್ಟು ಕ್ರಾಸ್ ಚೆಕ್ ಮಾಡ್ತಾ ಕೂತುಬಿಟ್ಟಿರುತ್ತಾನೆ. ಅದರಲ್ಲಿ ಐದು ನಿಮಿಷ ಕಳೆದುಹೋಗಿಬಿಟ್ಟಿರುತ್ತದೆ. ಅಷ್ಟರಲ್ಲಿ ವೈರಿ ಚಾನಲ್ ನಲ್ಲಿದ್ದ ಹುಡುಗ ಹಿಂದೆ ಮುಂದೆ ನೋಡದೆ ಸುದ್ದಿ ಏರ್ ಮಾಡಿಬಿಟ್ಟಿರುತ್ತಾನೆ. ಈ ಪತ್ರಕರ್ತನಿಗೆ ಚೀಫ್ ನ ಕೆಂಗಣ್ಣೇ ಗತಿಯಾಗುತ್ತದೆ.

ಪತ್ರಕರ್ತರ ಕಷ್ಟಗಳು ಒಂದೆರಡಲ್ಲ….

ಅಂಕಿತ ಪುಸ್ತಕ ದ ಪಾಕೆಟ್ ಡೈರಿ

ಅಂಕಿತ ಪುಸ್ತಕದ ಪಾಕೆಟ್ ಡೈರಿ – 2010 ಮುಖಪುಟ ತುಂಬಾ ಚೆನ್ನಾಗಿದೆ. ಅದು ಇಲ್ಲಿದೆ.

1971 ನೇ ಇಸ್ವಿಯ ದಿನಸಿ ರೇಟ್ ಹೀಗಿತ್ತು…

ಊರಿನಲ್ಲಿ ಮೊನ್ನೆ ಮನೆ ಕ್ಲೀನ್ ಮಾಡುತ್ತಿರಬೇಕಾದರೆ ಅಮ್ಮನಿಗೆ ಅವಳೇ ಬರೆದ ದಿನಸಿ ಸಾಮಾನಿನನ ಲಿಸ್ಟ್ ಸಿಕ್ಕಿದೆ. ಡೇಟ್ ನೋಡಿ ಅವಳೇ ಬೆಚ್ಚಿಬಿದ್ದಿದ್ದಾಳೆ. ಕಾರಣ ಅದು ಜೂನ್ 12, 1971 ರ ಡೇಟ್ ತೋರಿಸುತ್ತಿತ್ತು. ಚಿಕ್ಕಮಗಳೂರು ಜಿಲ್ಲೆಯ ಕೊಪ್ಪದಲ್ಲಿ ಯಾವುದೋ ಅಂಗಡಿಯಿಂದ ಸಾಮಾನು ತರಿಸಲಾಗಿದೆ. ವಿಶೇಷವೆಂದರೆ ಈಗ ಶತಕದ ಸುತ್ತಮುತ್ತ ಗಿರಕಿ ಹೊಡೆಯುತ್ತಿರುವ ತೊಗರಿಬೇಳೆ, ಉದ್ದಿನ ಬೇಳೆ ರೇಟ್ ಗಳು ಪೈಸೆಯ ಲೆಕ್ಕದಲ್ಲಿವೆ. ಜೊತೆಗೆ ಇತರ ವಸ್ತುಗಳ ಬೆಲೆಗಳೂ ಬೆರೆಗುಗೊಳಿಸುವಂತಿವೆ. ನಿಮಗಾಗಿ ದಿನಸಿ ಲಿಸ್ಟ್ ಇಲ್ಲಿದೆ.

©ನಾನು

ಹಾಗೆ ಮಾತನಾಡಿದ್ದಕ್ಕೆ ನನಗೆ ವಿಷಾದವಿದೆ…

ಎರಡು-ಮೂರು ತಿಂಗಳ ಹಿಂದೆ ರಿಲಯನ್ಸ್ ನೆಟ್ ಕನೆಕ್ಟ್ ಟರ್ಮಿನೇಟ್ ಮಾಡಿ ಬಿಎಸ್ಎನ್ಎನ್ ಬ್ರಾಡ್ ಬ್ಯಾಂಡ್ ಹಾಕಿಸಿಕೊಂಡಿದ್ದೆ. ಸುಮಾರು ಮೂರು ವರ್ಷಗಳ ಕಾಲ ರಿಲಯನ್ಸ್ ನೆಟ್ ಕನೆಕ್ಟ್ ಬಳಸಿದ್ದೆ. ಸರ್ವಿಸ್ ತುಂಬಾ ನಿಧಾನವಾಗಿತ್ತಲ್ಲದೆ, ಸಿಕ್ಕಾಪಟ್ಟೆ ಬಿಲ್ ಬರುತ್ತಿತ್ತು. ಹೀಗಾಗಿ ಕೊನೆಗೂ ಬೇಸತ್ತು ಅದನ್ನು ಟರ್ಮಿನೇಟ್ ಮಾಡಿದೆ. ಈ ಮೂರು ವರ್ಷಗಳಲ್ಲಿ ಒಂದೆರಡು ಬಾರಿ ಬಿಟ್ಟರೆ ಎಂದಿಗೂ ಬಿಲ್ ತುಂಬಲು ತಡಮಾಡಿದವನಲ್ಲ. ಟರ್ಮಿನೇಟ್ ಮಾಡುವಾಗ ಕೂಡ ಆ ತಿಂಗಳ ಬಿಲ್ ಸೇರಿದಂತೆ ಅಲ್ಲಿಯವರೆಗೆ ಬಳಸಿದ್ದ ಬಿಲ್ ಮೊತ್ತ ತುಂಬಿ ಟರ್ಮಿನೇಟ್ ಮಾಡಿದೆ. ಟರ್ಮಿನೇಟ್ ಮಾಡುವ ಸಂದರ್ಭದಲ್ಲಿ ರಿಲಯನ್ಸ್ ಸಿಬ್ಬಂದಿ, ಟರ್ಮಿನೇಟ್ ಆಗಲು ಒಂದು ದಿನ ಹಿಡಿಯುತ್ತದೆಂದೂ, ಮತ್ತೆ ನೆಟ್ ಕನೆಕ್ಟ್ ಬಳಸಬಾರದೆಂದು ಮನವಿ ಮಾಡಿದ್ದರು. ಅದರಂತೆ ಸುಮಾರು ಎರಡೂವರೆ ಸಾವಿರ ಬಿಲ್ ತುಂಬಿ ಮತ್ತೆ ನೆಟ್ ಕನೆಕ್ಟ್, ಕನೆಕ್ಟ್ ಮಾಡಲಿಲ್ಲ. ಆಮೇಲೆ ಬಿಎಸ್ಎನ್ಎಲ್ ಬ್ರಾಡ್ ಬ್ಯಾಂಡ್ ಹಾಕಿಸಿಕೊಂಡೆ.

ಅಲ್ಲಿಂದ ಆರಂಭವಾಯಿತು ನೋಡಿ ಕರೆಕರೆ ಕಿರಿಕಿರಿ. ಸುಮಾರು ಒಂದು ತಿಂಗಳ ಬಳಿಕ ರಿಲಯನ್ಸ್ ಕಾಲ್ ಸೆಂಟರ್ ನಿಂದ ಫೋನ್ ಬಂತು. “ಸರ್ ನಿಮ್ಮದು 164 ರೂಪಾಯಿ ಡ್ಯೂ ಇದೆ. ಬಿಲ್ ತುಂಬಿ” ಎಂದು ನುಲಿಯಿತು ಧ್ವನಿ. ನಾನಾಗಲೇ ಕನೆಕ್ಷನ್ ಟರ್ಮಿನೇಟ್ ಮಾಡಿರುವುದಾಗಿಯೂ, ನಂತರ ನೆಟ್ ಕನೆಕ್ಟ್ ಬಳಸಿಲ್ಲವೆಂದೂ ಹೇಳಿದೆ. ಸರಿ ಸರ್ ಎಂದ ಅತ್ತ ಕಡೆ ಹುಡುಗಿ ಫೋನ್ ಇಟ್ಟಳು. ಮತ್ತೆ ಮಾರನೇ ದಿನ ಫೋನು. ಮತ್ತದೇ ಸರ್ ನಿಮ್ಮದು 164 ಡ್ಯೂ ಇದೆ…ನನ್ನದ್ದು ಮತ್ತದೇ ಉತ್ತರ. ಬಹುಶಃ ಡಾಟಾಬೇಸ್ ಏನೋ ಪ್ರಾಬ್ಲಂ ಇರಬೇಕು ಎಂದುಕೊಂಡು ತುಂಬಾ ಸಂಯಮದಿಂದಲೇ ನಾನು ವರ್ತಿಸಿದೆ. ಆದರೆ ಹದಿನೈದು ದಿನವಾದರೂ ಈ ಕರೆಕರೆ ನಿಲ್ಲನಿಲ್ಲ. ಅತ್ತ ಕಡೆಯ ಹುಡುಗಿ ಡ್ಯೂ ಡ್ಯೂ ಎಂದು ಉಲಿಯುವುದೂ, ನಾನು ಟರ್ಮಿನೇಟ್, ಟರ್ಮಿನೇಟ್ ಎಂದು ನಲಿಯವುದೂ ನಡೆಯಿತು. ಕಡೆಗೊಮ್ಮೆ ನನ್ನ ಸಹನೆಯ ಕಟ್ಟೆಯೊಡೆಯಿತು. “ರ್ರೀ ನೋಡ್ರಿ, ನಿಮ್ಮ ಸರ್ವಿಸ್ ಬಳಸಿಲ್ಲ ಅಂದ್ಮೇಲೆ ಯಾಕ್ರೀ ನಾನು ಬಿಲ್ ಪೇ ಮಾಡ್ಬೇಕು? ಏನೋ ಸ್ವದೇಶದ್ದು, ನಮ್ ಕಂಪ್ನಿ ಅಂತ ಪೇಷನ್ಸ್ ಇಟ್ಕೊಂಡು ಇಷ್ಟು ದಿನ ಹೇಳಿದ್ದನ್ನೇ ಹೇಳಿದ್ದೀನಿ. ಮತ್ತೆ ಮತ್ತೆ ಫೋನ್ ಮಾಡಿ ಯಾಕ್ರೀ ಡಿಸ್ಟರ್ಬ್ ಮಾಡ್ತೀರಿ?” ಎಂದು ಸಮಾಧಾನವಾಗಿಯೇ ಕೇಳಿದೆ. ಬಾಣ ತಾಗಬೇಕಾದ ಜಾಗದಲ್ಲಿಯೇ ತಾಗಿದೆ ಅಂದುಕೊಂಡೆ. “ಸರಿ ಸರ್… ಸರಿ ಸರ್” ಅಂದ ಕನ್ಯಾಮಣಿ ಫೋನ್ ಇಟ್ಟಿದ್ದಳು. ಎರಡು ದಿನ ಫೋನ್ ಇರಲಿಲ್ಲ. ಮತ್ತೆ ಮೊಬೈಲ್ ರಿಂಗಾಗಿತ್ತು. ನಾನು ರಾಂಗಾಗಿದ್ದೆ.

“ಸರ್ ಸುಘೋಷ್ ನಿಗಾಲೆ ಅವರಲ್ವ?”

“ಹೌದು”

“ಸರ್… ನಾವು ರಿಲಯನ್ಸ್ ನಿಂದ ಕಾಲ್ ಮಾಡ್ತಾ ಇದೀವಿ. ನಿಮ್ಮದು 164 ರೂಪಾಯಿ ಡ್ಯೂ ಇದೆಯಲ್ವ ಸರ್…”

“ನೀವು ರಿಲಯನ್ಸ್ ನವರು ಹೊಟ್ಟೆಗೆ ಅನ್ನ ತಿಂತಿರೋ, ಶಗಣಿ ತಿಂತಿರೋ..?”

ಫೋನ್ ಕಟ್ಟಾಯಿತು.

ಅದಾಗಿ ಎರಡು ತಿಂಗಳು ಕಳೆದಿದೆ. ಇಲ್ಲಿಯವರೆಗೆ ಯಾವುದೇ ಫೋನ್ ಇಲ್ಲ. ಹಾಗೆ ಮಾತನಾಡಿದ್ದರ ಬಗ್ಗೆ ನನಗೆ ವಿಷಾದವಿದೆ. ಆ ಹುಡುಗಿಯ ಬಳಿ ಹಾಗೆ ಮಾತನಾಡಬಾರದಿತ್ತು ಎಂದು ಅನಿಸುತ್ತದೆ. ಆದರೆ ಜಾಣಂಗೆ ಮಾತಿನ ಪೆಟ್ಟು, ಕತ್ತೆಗೆ ಲತ್ತೆ ಪೆಟ್ಟು ಅಂದುಕೊಂಡು ಸುಮ್ಮನಾಗುತ್ತೇನೆ.

ಟ್ವಿಟರ್ ಬಗ್ಗೆ ಮತ ಚಲಾಯಿಸಿ

ಹೊಸ ಪೋಲ್ ಬಂದಿದೆ.

ಟ್ವಿಟರ್ ಬಗ್ಗೆ.

ನಿಮಗೆ ಟ್ವಿಟರ್ ಬಗ್ಗೆ ಏನೆನ್ನಿಸುತ್ತದೆ ಎಂಬ ಕುರಿತು ಮತ ಚಲಾಯಿಸಿ.

ಇಲ್ಲಿ ನೀಡಿರುವ ಆಯ್ಕೆಗಳನ್ನು ಹೊರತು ಪಡಿಸಿ ಬೇರೆ ಅಭಿಪ್ರಾಯವಿದ್ದರೆ ಕಮೆಂಟ್ ಮಾಡಿ.

ಇತಿ

ಪ್ರೀತಿಪೂರ್ವಕವಾಗಿ

ಸುಘೋಷ್ ಎಸ್. ನಿಗಳೆ

“ರಾಜ್ಯದಲ್ಲಿ ಮಾಧ್ಯಮಗಳ ಪರಿಸ್ಥತಿ ಹೇಗಿದೆ?” ರಿಸಲ್ಟ್ ಅನೌನ್ಸ್ ಆಗಿದೆ….

“ರಾಜ್ಯದಲ್ಲಿ ಮಾಧ್ಯಮಗಳ ಪರಿಸ್ಥತಿ ಹೇಗಿದೆ?” ಎಂಬ ಬಗ್ಗೆ ಪೋಲ್ ನಡೆಸಿದ್ದೆ. ಅದನ್ನು ಈಗ ಮುಕ್ತಾಯಗೊಳಿಸುತ್ತಿದ್ದೇನೆ. ಈ ಪ್ರಶ್ನಗೆ ನಾಲ್ಕು ಆಯ್ಕೆಗಳನ್ನು ಕೊಟ್ಟಿದ್ದೆ.

1. ಅತ್ಯುತ್ತಮವಾಗಿದೆ.

2. ಉತ್ತಮವಾಗಿದೆ.

3. ಪರವಾಗಿಲ್ಲ.

4. ದೇವರೇ ಕಾಪಾಡಬೇಕು.

ಇದರಲ್ಲಿ ಒಟ್ಟು ಚಲಾವಣೆಯಾದ ಮತಗಳು 28. ಮಾಧ್ಯಮಗಳ ಪರಿಸ್ಥಿತಿ ರಾಜ್ಯದಲ್ಲಿ ಅತ್ಯುತ್ತಮವಾಗಿದೆ ಎಂದೂ ಯಾರೂ ಅಭಿಪ್ರಾಯಪಟ್ಟಿಲ್ಲ. ಶೇ. 7 ರಷ್ಟು ಮಂದಿ ಅಂದರೆ ಇಬ್ಬರು ಪರಿಸ್ಥಿತಿ ಉತ್ತಮವಾಗಿದೆ ಎಂದಿದ್ದಾರೆ. ಪರವಾಗಿಲ್ಲ ಎಂದು ಹೇಳಿದವರ ಶೇಕಡಾ ಸಂಖ್ಯೆ 32 ಅಂದರೆ 9 ಜನ. ಆದರೆ ಮಾಧ್ಯಮಗಳನ್ನು ದೇವರೇ ಕಾಪಾಡಬೇಕು ಎಂದು ಹೇಳಿದವರು ಶೇ. 61 ರಷ್ಟು ಜನ ಅಂದರೆ 17 ಮಂದಿ.

ಹೇಗಿದೆ ರಿಸಲ್ಟ್?

ಡ್ಯಾನ್ಸ್ ಜಾತ್ರೆಗೆ ಬನ್ನಿ

ವೈಜಯಂತಿ ಕಾಶಿ ಖ್ಯಾತ ನೃತ್ಯಗಾರ್ತಿ. ಮುಕ್ತ ಮುಕ್ತ ದಲ್ಲಿ ನನ್ನ ತಾಯಿಯ ಪಾತ್ರ ಮಾಡುತ್ತಾರೆ. ಅವರ ಶಾಂಭವಿ ಸ್ಕೂಲ್ ಆಫ್ ಡ್ಯಾನ್ಸ್ ಡಿಸೆಂಬರ್ 19 ಹಾಗೂ 20 ರಂದು ಬೆಂಗಳೂರಿನ ಫ್ರೀಡಂ ಪಾರ್ಕ್ ನಲ್ಲಿ ಡ್ಯಾನ್ಸ್ ಜಾತ್ರೆ ಆಯೋಜಿಸಿದೆ. ಬನ್ನಿ ಭಾಗವಹಿಸಿ. ಹೆಚ್ಚಿನ ಮಾಹಿತಿಗೆ ಡ್ಯಾನ್ಸ್ ಜಾತ್ರೆ


ಫೇಲ್ ಆದವರು, ಹಾಲು ಮಾರುವುದು, ಎಂ80, ಇತ್ಯಾದಿ….

ಓ ಮನಸೆಯಲ್ಲಿ ಪ್ರಕಟವಾಗಿದ್ದ ನನ್ನ ಪತ್ರಕ್ಕೆ ಅವಿನಾಶ್ ತೀರ್ಥಹಳ್ಳಿ ಅವರು ಈ ಕೆಳಗಿನ ಪ್ರತಿಕ್ರಿಯೆ ನೀಡಿದ್ದರು. ಅವರ ಪ್ರತಿಕ್ರಿಯೆ ಹಾಗೂ ಅದಕ್ಕೆ ನನ್ನ ಅನಿಸಿಕೆ ಇಲ್ಲಿ ನೀಡಿದ್ದೇನೆ.

ಸ್ವಾಮಿ M80 ಯಲ್ಲಿ ಹಾಲು ಮಾರೋದು ಸುಲಭ … ಪಲ್ಸರ್ ಲ್ಲಿ ಕಷ್ಟ …. ಅದಕ್ಕೆ M80 ಕೊಡಿಸ್ತಿರೋದು …… ಹೀಗೆ ಎಲ್ಲದರಲ್ಲೂ ತಪ್ಪು ಹುಡುಕುತ್ತ ಕೂತರೆ ಹಾಸ್ಯನೆ ಇರಲ್ಲ. ಫೈಲ್ ಆದವರು ಜೀವನದ ದಾರಿಗೆ ಒಂದು ಕೆಲಸ ಮಾಡೋದು ಬೇಡ್ವ …?

-ಅವಿನಾಶ್ ತೀರ್ಥಹಳ್ಳಿ.

ನನ್ನ ಪ್ರತಿಕ್ರಿಯೆ………

ಆತ್ಮೀಯ ಅವಿನಾಶ್ ಅವರೆ,

ತಮ್ಮ ಅಭಿಪ್ರಾಯಕ್ಕೆ ನನ್ನ ಸಹಮತವಿಲ್ಲ ಎಂದು ಹೇಳಲು ಖೇದವೆನಿಸುತ್ತದೆ. ಎಂ80 ಯಲ್ಲಿ ಹಾಲು ಮಾರುವುದು ಸುಲಭ…ಪಲ್ಸರ್ ನಲ್ಲಿ ಕಷ್ಟ ಎಂಬ ತಮ್ಮ ಅನಿಸಿಕೆ ಒಪ್ಪತಕ್ಕದ್ದೇ. ಅದರ ಜೊತೆಗೆ ಸೈಕಲ್, ಟಿವಿಎಸ್ ಹೆವಿ ಡ್ಯೂಟಿ, ಟಿವಿಎಸ್ ಚ್ಯಾಂಪ್, ಬಜಾಜ್ ಚೇತಕ್, ಬಜಾಜ್ ಪ್ರಿಯಾ, ಆಟೋ, ಮಹೀಂದ್ರಾ ಜೀಪ್, ವಿಲ್ಲೀಸ್ ಜೀಪ್ ಮುಂತಾದ ವಾಹನಗಳಲ್ಲಿ ಕೂಡ ಹಾಲು ಮಾರುತ್ತಾರೆ. ಅದು ತಮಗೆ ಕೂಡ ಗೊತ್ತಿರಬಹುದು. ಇಲ್ಲಿ ವಾಹನ ಯಾವುದೆಂಬದುದು ಮುಖ್ಯವಲ್ಲ.

ತಾವು ‘ಓ’ ದಲ್ಲಿ ಪ್ರಕಟವಾಗಿರುವ ಜೋಕ್ ಓದಿದ್ದೀರೋ ಇಲ್ಲವೋ ಗೊತ್ತಿಲ್ಲ. ನಾನು ಬರೆದಂತೆ ಆ ಜೋಕ್ ನಲ್ಲಿ ‘ಫೇಲ್ ಆದವರು ಮಾತ್ರ ಹಾಲು ಮಾರಲು ಲಾಯಕ್ಕು’ ಎಂಬಂತಹ ಅಂಶ ಧ್ವನಿತವಾಗಿದೆ. ಇದೇ ನನಗೆ ಸರಿ ಅನ್ನಿಸದೇ ಇದ್ದಿದ್ದು. ಬಿ.ಎಸ್. ಸಿ. ಎಗ್ರಿ, ಎಂ.ಎಸ್.ಸಿ ಎಗ್ರಿ ಮುಂತಾದವುಗಳನ್ನೆಲ್ಲ ಮಾಡಿಕೊಂಡು ಹಾಲು ಮಾರುವ ಕಾಯಕದಲ್ಲಿ ತೊಡಗಿಕೊಂಡರುವ ಲಕ್ಷಾಂತರ ಯುವಕರಿದ್ದಾರೆ, ಕೇವಲ ಫೇಲ್ ಆದವರಷ್ಟೇ ಅಲ್ಲ. ಕೃಷಿ ಡಿಪ್ಲೋಮಾ ಮಾಡಿಕೊಂಡು, ಹೈನುಗಾರಿಕೆಯಲ್ಲಿ ವಿಶೇಷ ತರಬೇತಿ ಪಡೆದು, ಹೊಸ ಹೊಸ ತಾಂತ್ರಿಕತೆಯ ಸಹಾಯದಿಂದ ಹೈನುಗಾರಿಕೆ ನಡೆಸುತ್ತಿರುವ ಜನರಿದ್ದಾರೆ. ಧರ್ಮಸ್ಥಳದ ವೀರೇಂದ್ರ ಹೆಗ್ಗಡೆಯವರ ರುಡ್ ಸೆಟ್ ಸಂಸ್ಥೆ ಕೃಷಿಕರಿಗೆ ಹೈನುಗಾರಿಕೆಯಲ್ಲಿ ತರಬೇತಿ ನೀಡಿ, ಸಾಲ ಸೌಲಭ್ಯ ನೀಡಿ ಹೈನುಗಾರಿಕೆ ನಡೆಸಲು ಪ್ರೋತ್ಸಾಹ ನೀಡುತ್ತಿದೆ. ಗಮನಿಸಿ. ಇವರ್ಯಾರೂ ಫೇಲ್ ಆಗಿ, ಜೀವನದ ದಾರಿಗೆಂದು ಹಾಲು ಮಾರುತ್ತಿರುವವರಲ್ಲ. ಪ್ರಜ್ಞಾಪೂರ್ವಕವಾಗಿ, ಸ್ವ ಇಚ್ಟೆಯಿಂದ ಹಾಲು ಮಾರುತ್ತಿರುವವರು. ಫೇಲ್ ಆದವರು ಜೀವನದ ದಾರಿಗೆ ಒಂದು ಕೆಲಸ ಮಾಡಬಾರದು ಎಂದು ನನ್ನ ಪತ್ರದಲ್ಲಿ ನಾನು ಎಲ್ಲಿಯೂ ಉಲ್ಲೇಖಿಸಿಲ್ಲ. ಅದು ಹೇಗೆ ತಾವು ಆ ನಿರ್ಣಯಕ್ಕೆ ಬಂದಿರಿ ನನಗಂತೂ ತಿಳಿಯಲಿಲ್ಲ.

ಇನ್ನು ‘ಎಲ್ಲದರಲ್ಲೂ ತಪ್ಪು ಹುಡುಕುತ್ತ ಕೂತರೆ’ ಎಂದು ಬಳಸಿದ್ದೀರಿ. ನಾನು ಮತ್ತ್ಯಾಯುವದರಲ್ಲಿ ತಪ್ಪು ಹುಡುಕುತ್ತ ಕೂತಿದ್ದೇನೆ ದಯವಿಟ್ಟು ತಿಳಿಸಿ. ಅಂದ ಹಾಗೆ ತಪ್ಪು ಹುಡುಕುತ್ತ ಕೂರುವಷ್ಟು ಸಮಯವಾಗಲಿ, ಪೇಷನ್ಸ್ ಆಗಲಿ, ಆಸಕ್ತಿಯಾಗಲಿ ನನಗಿಲ್ಲ.

ಇನ್ನು, ಹಾಸ್ಯವೆಂಬುದು ಎಲ್ಲರಿಗೂ ಖುಷಿಯನ್ನು ಕೊಡಬೇಕು. ಒಂದು ವರ್ಗವನ್ನು, ಜಾತಿಯನ್ನು, ಧರ್ಮವನ್ನು, ಅಂಗವೈಕಲ್ಯವನ್ನು, ವೃತ್ತಿಯನ್ನು ಗೇಲಿ ಮಾಡಿ ಹಾಸ್ಯ ಮಾಡುವುದು ಜೋಕ್ ಎನಿಸುವುದಿಲ್ಲ. ಅದು ವಿಕೃತಿ ಎನಿಸುತ್ತದೆ.

ಕೊನೆಯದಾಗಿ, ನನ್ನ ಹೆಸರು ಸುಘೋಷ್ ಎಸ್. ನಿಗಳೆ. ‘ಸ್ವಾಮಿ’ ಅಲ್ಲ. ನನ್ನನ್ನು ನನ್ನ ಹೆಸರಿನಿಂದಲೇ ಕರೆಯಬೇಕೆಂದು ಪ್ರೀತಿಪೂರ್ವಕವಾಗಿ ಮನವಿ ಮಾಡಿಕೊಳ್ಳುತ್ತೇನೆ.

ವಿಶ್ವಾಸವಿರಲಿ

ಸುಘೋಷ್ ಎಸ್. ನಿಗಳೆ.

ಇಟ್ಸ್ ಅಫಿಶಿಯಲ್….ನನ್ನ ಮಗನ ಹೆಸರು ಉದಾತ್

©ಕಲೆ – ಅಪಾರ.

ಕಳೆದೆರಡು ದಿನಗಳಿಂದ ಬ್ಲಾಗ್ ಅಪ್ ಡೇಟ್ ಆಗಿಲ್ಲದ್ದಕ್ಕೆ ನನ್ನ ಮಗನೇ ಕಾರಣ. ಆತನ ನಾಮಕರಣ ಕಾರ್ಯಕ್ರಮದಲ್ಲಿ ಎಷ್ಟು ಬಿಝಿಯಾಗಿಬಿಟ್ಟೆನೆಂದರೆ, ಬ್ಲಾಗು, ಬೀಗು ಎಲ್ಲ ಮರೆತುಹೋಯಿತು. ಅಂದ ಹಾಗೆ ನನ್ನ ಮಗನಿಗೆ ಉದಾತ್ (UDAATH) ಎಂದು ಹೆಸರಿಡಲಾಗಿದೆ. ಇದನ್ನು ನನ್ನ ತಂದೆ ಸೂಚಿಸಿದ್ದು. ಹಲವು ಹೆಸರುಗಳು ಈ ಸಂದರ್ಭದಲ್ಲಿ ಸ್ಪರ್ಧೆ ನಡೆಸಿದವಾದರೂ, ಅಂತಿಮವಾಗಿ ಉದಾತ್ ಹೆಸರು ಮೊದಲ ಸ್ಥಾನ ಗಳಿಸುವಲ್ಲಿ ಯಶಸ್ವಿಯಾಯಿತು. ನಾಮಕರಣ ಕಾರ್ಯಕ್ರಮ ಸರಳವಾಗಿ ನಡೆಯಿತು. ಈ ಸಂದರ್ಭದಲ್ಲಿ ಕಾರ್ಡ್ ಶೀಟ್ ಒಂದರ ಮೇಲೆ ಎಲ್ಲರೂ ಉದಾತ್ ನಿಗೆ ಆಶೀರ್ವಾದ ನುಡಿಗಳನ್ನು ಬರೆಯುವಂತೆ ಕೇಳಿಕೊಂಡಿದ್ದೆ. ಅದಕ್ಕೆ ಅದ್ಭುತ ಪ್ರತಿಕ್ರಿಯೆ ಬಂದಿತು. “ಏನಾದರೂ ಆಗು, ಮೊದಲು ನೀನು ಮಾನವನಾಗು”, “ನಿನ್ನಪ್ಪನಿಗಿಂತ ಉದ್ದವಾಗಿ ಬೆಳಿ”, “ನಿನಗೆ ದೇವರ ಆಶೀರ್ವಾದ ಉದಾತ್ತವಾಗಿ ದೊರಕಲಿ”, “ಬದುಕು ಸಂಗೀತಮಯವಾಗಿರಲಿ” “ಚಂದ ಹೆಸರು, ಚಂದ ಮಗು“ ಇತ್ಯಾದಿ,  ಕೆಲ ಆಶೀರ್ವಾದಗಳ ಸ್ಯಾಂಪಲ್ ಗಳು.

ಬೇಜಾರಿನ ವಿಷಯ ಅಂದರೆ, ಕೆಲವರು ಕಾರ್ಯಕ್ರಮಕ್ಕೆ ಬರದೆ ಕೈಕೊಟ್ಟಿದ್ದು. ಕಾರ್ಯಕ್ರಮಕ್ಕೆ ಬರದಿದ್ದರೆ ತೊಂದರೆಯಿಲ್ಲ. ಆದರೆ ಎಟ್ ಲೀಸ್ಟ್ ಇನ್ ಫಾರ್ಮ್ ಆದರೂ ಮಾಡಬೇಕಿತ್ತು. ಇಂಥವರು ಬರುತ್ತಾರೆ ಎಂಬ ವಿಶ್ವಾಸದಿಂದ ನಾನು ಪ್ರತಿಯೊಂದು ಊಟಕ್ಕೆ ನೂರು ರೂಪಾಯಿಗೂ ಹೆಚ್ಚು ತೆತ್ತಿದ್ದೆ. ಸುಮ್ಮನೇ ವೇಸ್ಟ್ ಅಲ್ಲವೆ? ಇನ್ನು ಮನಸ್ಸಿಗಾದ ಬೇಸರದ ಬಗ್ಗೆ ನಾನು ಹೇಳಲಿಚ್ಛಿಸುವುದಿಲ್ಲ.

ಎನೀ ವೇ…ನಾಮಕರಣದ ಸಂದರ್ಭದ ವಿಶೇಷತೆಗಳು ಹಾಗೂ ಫೋಟೋಗಳನ್ನು ಶೀಘ್ರದಲ್ಲಿಯೇ ಹಾಕುವೆ….

ವಿಕ್ರಮ್ – ಬೇತಾಲ್ ಕಥೆಗಳು ನನಗೆ ಇಂದಿಗೂ ಪ್ರಿಯ…

ಈ ಬಾರಿಯ ‘ಮುಕ್ತ ಮುಕ್ತ’ ಸಂವಾದ ಚಿತ್ರದುರ್ಗದಲ್ಲಿ…

ಈ ಬಾರಿಯ ‘ಮುಕ್ತ ಮುಕ್ತ’ ಸಂವಾದ ನನ್ನ ಪ್ರೀತಿಯ ದುರ್ಗದಲ್ಲಿ ನಡೆಯಲಿದೆ. ಡಿಸೆಂಬರ್ 13, ಭಾನುವಾರ ಮಧ್ಯಾಹ್ನ 2.30 ಕ್ಕೆ. ನಿಮಗಿದೋ ಸ್ವಾಗತ.

ಹುರ್ರೆ…ನಮ್ಮ ಮದುವೆಗೆ ಇಂದಿಗೆ ನಾಲ್ಕುವರ್ಷ…

ನಾನು ಹಾಗೂ ವಿದ್ಯಾ ಮದುವೆಯಾಗಿ ಇಂದಿಗೆ ನಾಲ್ಕು ವರ್ಷ.

‘ಮುಕ್ತ ಮುಕ್ತ’ದ ನನ್ನ ಪಾತ್ರಕ್ಕೆ ಎಂತೆಂತಹ ಫೀಡ್ ಬ್ಯಾಕ್….

©ಚಿತ್ರ – ನಾನು

ವಿಶ್ವೇಶ್ವರ ಭಟ್ಟರ ಪುಸ್ತಕ ಬಿಡುಗಡೆ ಕಾರ್ಯಕ್ರಮಕ್ಕೆ ಹೋಗಿದ್ದೆ. ಎಂದಿನಂತೆ ಹಲವರು ನನ್ನ ಬಳಿ “ಸರ್ ನಿಮ್ಮ ವಾಯ್ಸ್ ತುಂಬಾ ಚೆನ್ನಾಗಿದೆ” “ಆಕ್ಟಿಂಗ್ ನ್ಯಾಚುರಲ್ ಆಗಿದೆ” “ನಿಮ್ಮ ಕ್ಯಾರಕ್ಟರ್ ತುಂಬಾ ಪವರ್ ಫುಲ್ ಆಗಿದೆ” “ನಿಮ್ಮ ಅಪ್ಪನ ಮಾತು ಕೇಳಲು ಹೋಗ್ಬೇಡಿ. ಬೇಗ, ನಿವೇದಿತಾಳನ್ನು ಮದುವೆ ಮಾಡಿಕೊಳ್ಳಿ” ಎಂದೆಲ್ಲ ಹೇಳುತ್ತಿದ್ದರು. ಅಷ್ಟರಲ್ಲಿ ಪರಿಚಯವಾದವರು ಆಚಾರ್ಯ ಪಿಯು ಕಾಲೇಜಿನ ಪ್ರಿನ್ಸಿಪಾಲ್ ಹಾಗೂ ಬರಹಗಾರ ಗುರುರಾಜ ದಾವಣಗೆರೆ ಅವರು. ಗುರುರಾಜ ಅವರು ಕೂಡ ನನ್ನ ಪಾತ್ರದ ಬಗ್ಗೆ ಮಾತನಾಡುತ್ತ ಹೇಳಿದರು “ಸುಘೋಷ್, ನಮ್ಮ ಮನೆಯಲ್ಲಿ ತಪ್ಪದೆ ಮುಕ್ತ ಮುಕ್ತ ನೋಡುತ್ತೇವೆ. ನಿಮ್ಮ ಪಾತ್ರವಂತೂ ತುಂಬಾ ಚೆನ್ನಾಗಿ ಬರ್ತಾ ಇದೆ. ನನ್ನ ಹೆಂಡತಿ ಯಾವಾಗಲೂ ಹೇಳುತ್ತಿರುತ್ತಾಳೆ ನಿಮ್ಮ ಹಾಗೂ ನಿವೇದಿತಾ ಜೋಡಿ ತುಂಬಾ ಚೆನ್ನಾಗಿದೆ ಎಂದು. ನನ್ನ ಮಗ ಆರನೇ ಕ್ಲಾಸಿನಲ್ಲಿ ಓದುತ್ತಿದ್ದಾನೆ. ಆತ ಕೂಡ ‘ಮುಕ್ತ ಮುಕ್ತ’ ನೋಡುತ್ತಾನೆ. ನಿಮ್ಮ ಕ್ಲೋಸ್ ಅಪ್ ಶಾಟ್ ಬಂದಾಗ ಮೊನ್ನೆ ಆತ ಹೇಳುತ್ತಿದ್ದ ‘ಅಪ್ಪಾ, ನೋಡು ದೇವಾನಂತ ಸ್ವಾಮಿಯ ಮೀಸೆ ಒಂದು ಕಡೆ ಉದ್ದ ಇದೆ ಮತ್ತೊಂದು ಕಡೆ ಗಿಡ್ಡ ಇದೆ’ ಎಂದು…”ಅಂದರು. ಮನೆಗೆ ಬಂದು ಮೀಸೆ ಮೇಷರ್ ಮಾಡದೆ ನನ್ನ ಬಳಿ ಬೇರಾವುದೇ ದಾರಿ ಇರಲಿಲ್ಲ.

ನಾನು ಬಾಲಕನಾಗಿದ್ದಾಗ ಬರೆದ ಸುಭಾಷಿತ

ಸತ್ಯಮುಕ್ತೇನ ಲಭತೆ ಕಷ್ಟಂ

ಅನೃತಮುಕ್ತೇನ ಲಭತೆ ಸುಖಂ

ವಿಪತ್ಕಾಲೇ ಉಪಯುಕ್ತ ಸತ್ಯಂ

ನಾನೃತಂ ನವಾನೃತ ಸುಖಂ

(ಅರ್ಥ – ನಿಜ ಹೇಳುವುದರಿಂದ ಕಷ್ಟ ಪ್ರಾಪ್ತಿಯಾಗಬಹುದು. ಸುಳ್ಳು ಹೇಳಿ ಸುಖಿಯಾಗಿರಬಹುದು. ಆದರೆ ವಿಪತ್ತಿನ ಸಮಯದಲ್ಲಿ ಸತ್ಯವೇ ಪ್ರಯೋಜನಕ್ಕೆ ಬರುತ್ತದೆಯೇ ಹೊರತು ಸುಳ್ಳು ಮಾತಲ್ಲ)

(ನಾನು ಎಂಟನೇ ಕ್ಲಾಸಿನಲ್ಲಿ ಸಂಸ್ಕೃತವನ್ನು ಪ್ರಥಮ ಭಾಷೆಯನ್ನಾಗಿ ಅಧ್ಯಯನ ಮಾಡುತ್ತಿದ್ದಾಗ ಬರೆದ ಸುಭಾಷಿತ)

ಸಿಕ್ಕಾಪಟ್ಟೆ ಬಿಯರ್ ಕುಡಿದು ಉನ್ಮತ್ತನಾಗುವಾಸೆ

ಹುಣ್ಣಿಮೆಯ ಕತ್ತಲಲ್ಲಿ

ಮನೆಯ ಟೆರೆಸ್ ಮೇಲೆ

ಹಳೆಯ ಹಿಂದಿ ಚಿತ್ರಗೀತೆಗಳನ್ನು ಕೇಳುತ್ತ

ಹಳೆಯ ಪ್ರೇಯಸಿಯರಿಗೆ

ನಾನು ಮಾಡಿರುವ ವಂಚನೆಯನ್ನು

ನೆನೆಯುತ್ತ,

ಚಿಪ್ಸ್ ತಿನ್ನುತ್ತ,

ಸಿಗರೇಟು ಸೇದುತ್ತ,

ಸಿಕ್ಕಾಪಟ್ಟೆ ಬಿಯರ್ ಕುಡಿದು

ಉನ್ಮತ್ತನಾಗುವಾಸೆ.

ಪ್ರತಿನಿತ್ಯ ಎರಡು ಗಂಟೆ

ಹೆವಿ ವರ್ಕ್ ಔಟ್ ಮಾಡಿ

ಬ್ರೂಸ್ಲಿಯಾಗುವಾಸೆ.

ಅಂದು 41 ಕೆ.ಜಿ. ಇಂದು 62 ಕೆ.ಜಿ.

ನನ್ನ ಪ್ರೀತಿಯ ಬೆಳಗಾವಿ ಬಿಟ್ಟು ಬೆಂಗಳೂರಿಗೆ ಮಾಸ್ ಕಮ್ಯೂನಿಕೇಷನ್ ಮಾಡಲು ಬಂದಾಗ ನಾನು ಇದ್ದದ್ದು ಬರೋಬರಿ 42 ಕೆಜಿ. ಆಗ ಹೀಗಿದ್ದೆ. ಈಗ ಬುಲ್ಸ್ ಐ – 62.


ಸಧ್ಯದಲ್ಲಿಯೇ ಈಟಿವಿಯ ಹುಟ್ಟುಹಬ್ಬ…

ನನಗೆ ಇಲೆಕ್ಟ್ರಾನಿಕ್ ಮೀಡಿಯಾದ ಒಳಹೊರಗನ್ನು ಕಲಿಸಿಕೊಟ್ಟ ಈಟಿವಿ ಕನ್ನಡ, ಸಧ್ಯದಲ್ಲೇ ತನ್ನ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳಲಿದೆ.  Advanced wishes ETV!!

zzzzz…..zzzzz….zzzzzzz…….

©

What killed Ranjan Das?

By Madhur Kotharay
A month ago, many of us heard about the sad demise of Ranjan Das from Bandra, Mumbai. Ranjan, just 42 years of age, was the CEO of SAP-Indian Subcontinent, the youngest CEO of an MNC in India . He was very active in sports, was a fitness freak and a marathon runner. It was common to see him run on Bandra’s Carter Road . Just after Diwali, on 21st Oct, he returned home from his gym after a workout, collapsed with a massive heart attack and died. He is survived by his wife and two very young kids.

It was certainly a wake-up call for corporate India . However, it was even more disastrous for runners amongst us. Since Ranjan was an avid marathoner (in Feb 09, he ran Chennai Marathon at the same time some of us were running Pondicherry Marathon 180 km away), the question came as to why an exceptionally active, athletic person succumb to heart attack at 42 years of age.

Was it the stress?

A couple of you called me asking about the reasons. While Ranjan had mentioned that he faced a lot of stress, that is a common element in most of our lives. We used to think that by being fit, one can conquer the bad effects of stress. So I doubted if the cause was stress.

The Real Reason

However, everyone missed out a small line in the reports that Ranjan used to make do with 4-5 hours of sleep. This is an earlier interview of Ranjan on NDTV in the program ‘Boss’ Day Out’:

Here he himself admits that he would love to get more sleep (and that he was not proud of his ability to manage without sleep, contrary to what others extolled).

The Evidence

Last week, I was working with a well-known cardiologist on the subject of ‘Heart Disease caused by Lack of Sleep’. While I cannot share the video nor the slides because of confidentiality reasons, I have distilled the key points below in the hope it will save some of our lives.

Some Excerpts:

  • Short sleep duration (less than 5 or 5-6 hours) increased risk for high BP by 350% to 500% compared to those who slept longer than 6 hours per night. Paper published in 2009.

As you know, high BP kills.

  • Young people (25-49 years of age) are twice as likely to get high BP if they sleep less. Paper published in 2006.
  • Individuals who slept less than 5 hours a night had a 3-fold increased risk of heart attacks. Paper published in 1999.
  • Complete and partial lack of sleep increased the blood concentrations of High sensitivity C-Reactive Protein (hs-cRP), the strongest predictor of heart attacks. Even after getting adequate sleep later, the levels stayed high!
  • Just one night of sleep loss increases very toxic substances in body such as Interleukin-6 (IL-6), Tumour Necrosis Factor-Alpha (TNF-alpha) and C-reactive protein (cRP). They increase risks of many medical conditions, including cancer, arthritis and heart disease. Paper published in 2004.
  • Sleeping for 5 hours or less per night leads to 39% increase in heart disease. Sleeping for 6 hours or less per night leads to 18% increase in heart disease. Paper published in 2006.

Ideal Sleep

For lack of space, I cannot explain here the ideal sleep architecture. But in brief, sleep is composed of two stages: REM (Rapid Eye Movement) and non-REM. The former helps in mental consolidation while the latter helps in physical repair and rebuilding. During the night, you alternate between REM and non-REM stages 4-5 times.

The earlier part of sleep is mostly non-REM. During that period, your pituitary gland releases growth hormones that repair your body. The latter part of sleep is more and more REM type.

For you to be mentally alert during the day, the latter part of sleep is more important. No wonder when you wake up with an alarm clock after 5-6 hours of sleep, you are mentally irritable throughout the day (lack of REM sleep). And if you have slept for less than 5 hours, your body is in a complete physical mess (lack of non-REM sleep), you are tired throughout the day, moving like a zombie and your immunity is way down (I’ve been there; done that).

Finally, as long-distance runners, you need an hour of extra sleep to repair the running related damage.

If you want to know if you are getting adequate sleep, take Epworth Sleepiness Test here or here.

In conclusion:

Barring stress control, Ranjan Das did everything right: eating proper food, exercising (marathoning!), maintaining proper weight. But he missed getting proper and adequate sleep, minimum 7 hours. In my opinion, that killed him.

If you are not getting enough sleep (7 hours), you are playing with fire, even if you have low stress.

I always took pride in my ability to work 50 hours at a stretch whenever the situation warranted. But I was so spooked after seeing the scientific evidence last week that since Saturday night, I ensure I do not even set the alarm clock under 7 hours. Now, that is a nice excuse to get some more sleep.

Unfortunately, Ranjan Das is not alone when it comes to missing sleep. Many of us are doing exactly the same, perhaps out of ignorance. Please forward this mail to as many of your colleagues as possible, especially those who might be short-changing their sleep. If we can save even one young life because of this email, I would be the happiest person on earth.

Incidentally, just as human beings need 7 hours of sleep, you should know that cats need 15 hours of sleep and horses need 3 hours of it. So are you planning to be a cool cat or a dumb horse?

ಕೃಪೆ – ಇಂಟರ್ನೆಟ್