ಉರ್ದುವಿನಲ್ಲಿ ಚೋಮನ ದುಡಿ

ಡಾ. ಶಿವರಾಮ ಕಾರಂತಚೋಮನ ದುಡಿಯನ್ನು ನನ್ನ ಉರ್ದು ಉಸ್ತಾದ್ ಜನಾಬ್ ಮಾಹೇರ್ ಮನ್ಸೂರ್ ಅವರು 1982 ನೇ ಇಸವಿಯಲ್ಲಿ ಉರ್ದುವಿಗೆ ತಂದಿದ್ದಾರೆ. ಅದರ ಮುಖಪುಟ ಇಲ್ಲಿದೆ. ಉರ್ದುವಿನಲ್ಲಿ ಚೋಮಾ ಕಾ ಢೋಲ್ ಎಂದು ಹೆಸರಿಟ್ಟಿದ್ದಾರೆ. ಈ ಕವರ್ ಪೇಜ್ ನಿಮಗಾಗಿ.

ಚೋಮಾ ಕಾ ಢೋಲ್

‘ಮದ್ಯಪಾನ ಸೇವಿಸಿ’ ಈ ಬೋರ್ಡ್ ಬರೆಯಲಾಗಿದೆಯೆ?

ಬೆಂಗಳೂರಿನ ಶಂಕರಮಠ ರಸ್ತೆಯ ಸಿಗ್ನಲ್ ಸಮೀಪ ಕಂಡದ್ದು…

© SUGHOSH S. NIGALE

ಎಚ್ ನರಸಿಂಹಯ್ಯ ಹಾಗೂ ಹಾರಾಟದ ಹೋರಿ

ಕೃಪೆ - ಇಂಟರ್ನೆಟ್

ಪ್ರೊ. ಕೆ. ವಿ. ಘನಶ್ಯಾಮ, ಬೆಂಗಳೂರಿನ ಜಯನಗರ ನ್ಯಾಷನಲ್ ಕಾಲೇಜಿನಲ್ಲಿ ರಸಾಯನ ಶಾಸ್ತ್ರದ ಅಧ್ಯಾಪಕರಾಗಿದ್ದವರು. ಎಚ್. ಎನ್. ರ ಗರಡಿಯಲ್ಲಿ ಬೆಳೆದವರು. ಘನಶ್ಯಾಮ ಅವರ ಅನುಭವ ಕಥನದ ಹೆಸರು ‘ನಾ ಬಂದ ಹಾದಿಯಲ್ಲಿ’. ಇದು ಒಂದು ಕಾಲೇಜು ಜೀವನ ಚರಿತ್ರೆ. ಅಭಿನವ ಮತ್ತು ಕೊಳವಳ್ಳಿ ಪ್ರಕಾಶನ ಪುಸ್ತಕ ಹೊರತಂದಿವೆ. ಅದರಲ್ಲಿನ ಆಯ್ದ ಭಾಗವೊಂದು ಇಲ್ಲಿದೆ.

ಕೃಪೆ – ಪ್ರೊ. ಕೆ. ವಿ. ಘನಶ್ಯಾಮ, ಅಭಿನವ ಮತ್ತು ಕೊಳವಳ್ಳಿ ಪ್ರಕಾಶನ.

 

ಅಯ್ಯೋ ಮರೆತೆ, ನಾವು ಊಟಕ್ಕೆ ಸೇರುತ್ತಿದ್ದ ಸಮಯದಲ್ಲಿ ನಡೆದ ಒಂದು ಪ್ರಸಂಗವನ್ನು ಹೇಳಲೇಬೇಕು. ನಾಗರಾಜ ರೆಡ್ಡಿಯವರ ಮನೆಯಲ್ಲಿ ಒಂದು ದಿನ ಊಟಕ್ಕೆ ಸೇರಿದ್ದೆವು. (ರೆಡ್ಡಿಯವರು ಅವರ ಹಳ್ಳಿಯಾದ ಸಿಂಗನಾಯಕನ ಹಳ್ಳಿಯ ಅವರ ತೋಟದ ಮನೆಯಲ್ಲೂ ಒಂದು ಬಾರಿ ಎಲ್ಲರಿಗೂ ಊಟ ಹಾಕಿಸಿದರು) ಆ ದಿನ ಭಾರತ-ಪಾಕಿಸ್ತಾನ ಕ್ರಿಕೆಟ್ ಮ್ಯಾಚ್ ಇತ್ತು. ಊಟವಾದ ಮೇಲೆ ದೂರದರ್ಶನದಲ್ಲಿ ಬಿತ್ತರವಾಗುತ್ತಿದ್ದ ಈ ಮ್ಯಾಚ್ ನಲ್ಲಿ ನಾವೆಲ್ಲ ತಲ್ಲೀನರಾದೆವು. ಮಾತಿಗೆ ಜನ ಸಿಗದೆ ಎಚ್. ಎನ್. ಗೆ ಬೇಸರವಾಯಿತು. “ಸರಿಯಪ್ಪ ನೀವು ಮ್ಯಾಚ್ ನೋಡಿ. ನಾನು ಹೊರಡುತ್ತೇನೆ” ಎಂದರು. ರೆಡ್ಡಿ ಮನೆಯ ಹತ್ತಿರ ಆಟೋ ಸಿಗುತ್ತಿರಲಿಲ್ಲ. ಎಚ್. ಎನ್. ರನ್ನು ಆಟೋ ಹತ್ತಿಸಿ ಬರುತ್ತೇವೆಂದು ನಾನು, ನಟರಾಜ ಅವರ ಜೊತೆ ಮಹಡಿ ಇಳಿದು ರಸ್ತೆಗೆ ಬಂದು ನಾಲ್ಕು ಹೆಜ್ಜೆ ಹಾಕಿದ್ದೇವೆ, ರಸ್ತೆಯ ಆಚೆ ಬದಿ ಒಂದ ಮಾರುತಿ ಕಾರು ನಿಂತಿತು. ಕಾರಿನಿಂದ ಇಳಿದ ಮಧ್ಯವಯಸ್ಕ ವ್ಯಕ್ತಿಯೊಂದು, ರಸ್ತೆ ದಾಟಿ ಬಂದು ಎಚ್. ಎನ್. ಗೆ ನಮಸ್ಕರಿಸಿ, “ಸಾರ್ ನಾನು ನಿಮ್ಮ ಹಳೆಯ ವಿದ್ಯಾರ್ಥಿ. ಆಸ್ಟ್ರೇಲಿಯಾಕ್ಕೆ ಹೋಗಿ 25 ವರ್ಷಗಳಾಗಿವೆ. ಅಲ್ಲಿಯೇ ವಾಸಿಸುತ್ತಿದ್ದೇನೆ. ನನಗೆ ಕನ್ನಡದ ನಂಟು ಇನ್ನೂ ಹೋಗಿಲ್ಲ. ನಿಮ್ಮ ಆತ್ಮಕಥೆ ‘ಹಾರಾಟದ ಹೋರಿ’ ಓದಿದೆ. ಬಹಳ ಚೆನ್ನಾಗಿದೆ. ಅದರ 20 ಪುಸ್ತಕಗಳನ್ನು ಗೆಳೆಯರಿಗೆ ಕೊಡಲು ತೆಗೆದುಕೊಂಡಿದ್ದೇನೆ. ಕಾರಿನಲ್ಲಿದೆ” ಎಂದು ಹೇಳಿದ ಕೂಡಲೇ ನನಗೆ ನಗು ಬಂದರೂ ತಡೆದುಕೊಂಡಿದ್ದೆ. ಎಚ್. ಎನ್. ನಗಲಿಲ್ಲ. ನಟರಾಜ್ ಮಾತ್ರ ಮಧ್ಯರಸ್ತೆಯಲ್ಲಿ ನಿಂತೇ ಕಿಸಕ್ಕನೆ ನಕ್ಕುಬಿಟ್ಟರು. ವಿದ್ಯಾರ್ಥಿಗೆ ಅವಮಾನವಾದಂತಾಯಿತು. ತಕ್ಷಣವೇ ಅವರಿಗೆ ತಾವು ಮಾಡಿದ ಅಚಾತುರ್ಯದ ಅರಿವಾಯಿತು. ಸಾರಿ ಸರ್ ಎಂದರು. ಎಚ್. ಎನ್. ಆತ್ಮಕಥೆಯ ಹೆಸರು ‘ಹೋರಾಟದ ಹಾದಿ’. ಎಚ್. ಎನ್. ರನ್ನು ನೋಡಿದ ಆನಂದದಲ್ಲಿ ಮೈಮರೆತ ಅವರ ಬಾಯಿಂದ ಬಂದದ್ದು ‘ಹಾರಾಟದ ಹೋರಿ’ ಅಷ್ಟೆ.

 

ಕಾಪಿ ರೈಟ್, ಕಾಪಿ ರೈಟ್….ರೈಟ್..ರೈಟ್…ರೈಟ್

ಕಾಫಿ ಸೇವಿಸಿ ಕಾಪಿ ರೈಟ್ ಅನ್ನಿ...
ಕಾಪಿ ರೈಟ್ ಆದ್ರೆ, ಟೀ ರಾಂಗಾ?

ನಾನು ಹಾಗೂ ಎನ್ ಆರ್ ನಾರಾಯಣಮೂರ್ತಿ

ಎನ್ ಆರ್ ನಾರಾಯಣಮೂರ್ತಿಯವರನ್ನು ಸಂದರ್ಶಿಸಿದ ಬಳಿಕ ಅವರೊಂದಿಗೆ ಫೋಟೋ.

© RESERVED

ಎನ್ ಆರ್ ನಾರಾಯಣಮೂರ್ತಿ ಸಂದರ್ಶನ

ವನವಾಸ ಮುಗಿದಿದೆ. ಬ್ಲಾಗ್ ಅಡ್ ಡೇಟ್ ನಿಲ್ಲಿಸಿದ್ದಕ್ಕೆ ನಾನು ಕ್ಷಮೆ ಕೇಳಿದ್ದೂ ಆಗಿದೆ, ತಾವು ಕ್ಷಮಿಸಿದ್ದೂ ಆಗಿದೆ. ಈಗೇನಿದ್ದರೂ ಮತ್ತೆ ರಮ್ಯ ಚೈತ್ರ ಕಾಲ…

ಐತಿಹಾಸಿಕ ಕಾರ್ಯಕ್ರಮವೊಂದರಲ್ಲಿ ತೊಡಗಿಕೊಂಡಿದ್ದರಿಂದ ಬ್ಲಾಗಿಗಾಗಿ ಸಮಯ ಸಿಗಲಿಲ್ಲ. ಆ ಐತಿಹಾಸಿಕ ಕಾರ್ಯಕ್ರಮವೇ ಬೆಳವಾಗಿಯ ವಿಶ್ವ ಕನ್ನಡ ಸಮ್ಮೇಳನ. ಮೊದಲ ದಿನ ಸಾಹಿತಿ ಡಾ. ಯೂ. ಆರ್. ಅನಂತಮೂರ್ತಿಯವರು ಬಿಡುಗಡೆಗೊಳಿಸಿದ ‘ಪುನರಾವಲೋಕನ’ ಸಂದರ್ಭ ಗ್ರಂಥದ ತಯಾರಿಯಲ್ಲಿ ತೊಡಗಿಕೊಂಡಿದ್ದೆ. ಈ ಸಂದರ್ಭ ಗ್ರಂಥಕ್ಕೆ ಪ್ರೋ. ಹಂಪನಾ ಸಂಪಾದಕರು. ಜಿ. ಎನ್. ಮೋಹನ್ ಸಹ- ಸಂಪಾದಕರು. ನಾನು ಈ ಗ್ರಂಥದ ರಿಸೋರ್ಸ್ ಟೀಮ್ ನಲ್ಲಿದ್ದೆ. ಕೇವಲ 20 ದಿನಗಳ ಅವಧಿಯಲ್ಲಿ 400 ಪುಟಗಳ ಸಂದರ್ಭ ಗ್ರಂಥ ತಯಾರಾಗಿ, ಇದೀಗ ಕನ್ನಡಿಗರ ಕೈಯಲ್ಲಿದೆ. ಈ ಪುಸ್ತಕದ ತಯಾರಿ ಹೇಗೆಲ್ಲ ನಡೆಯಿತು, ಕೆಲ ಹೆಸರುವಾಸಿ (ಹೆಸರಷ್ಟೇ ವಾಸಿ) ಎಂದೆನಿಸಿರುವ ಸಾಹಿತಿಗಳೊಡನೆ ಒಡನಾಡುವಾಗ ಆದ ಪ್ರಸಂಗಗಳೇನು ಎಂಬುದನ್ನೆಲ್ಲ ಅಚಾನೂಕವಾಗಿ ಬ್ಲಾಗಿನಲ್ಲಿ ದಾಖಲಿಸುತ್ತೇನೆ.

ಪ್ರಸ್ತುತ, ಈ ಗ್ರಂಥಕ್ಕಾಗಿ ನಾನು ಇನ್ಫೋಸಿಸ್ ನ ಎನ್. ಆರ್. ನಾರಾಯಣಮೂರ್ತಿಯವರನ್ನು ಸಂದರ್ಶಿಸಿದ್ದೇನೆ. ಆ ಸಂದರ್ಶನವನ್ನು ನೀವು ಅವಧಿಯಲ್ಲಿ ಓದಬಹುದು. ಇದೇ ಸಂದರ್ಶನ ಕನ್ನಡಪ್ರಭ ಪತ್ರಿಕೆಯಲ್ಲಿ ಮಾರ್ಚ್ 11 ರಂದು ಪ್ರಕಟವಾಗಿದೆ. ಅದರ ಸ್ಕ್ರೀನ್ ಶಾಟ್ ಇಲ್ಲಿದೆ. ಓದಿ, ಅಭಿಪ್ರಾಯ ತಿಳಿಸಿ.

ಸಂದರ್ಶನದಲ್ಲಿ...
..................