ಸಂಗೀತ ಸಂಜೆ

ಬಿಡುವು ಮಾಡಿಕೊಂಡು ಬನ್ನಿ

ಯುಗಾದಿಯ ವಿಶ್ ಲಿಸ್ಟ್

ವರುಷಕೊಂದು ಹೊಸತು ಜನ್ಮ
ಹರುಷಕೊಂದು ಹೊಸತು ನೆಲೆಯು
ಅಖಿಲ ಜೀವಜಾತಕೆ
ಒಂದೇ ಒಂದು ಜನ್ಮದಲ್ಲಿ
ಒಂದೆ ಬಾಲ್ಯ ಒಂದೆ ಹರೆಯ
ನಮಗದಷ್ಟೇ ಏತಕೆ?

ಸುಖ ಹೆಚ್ಚಲಿ ದುಃಖ ಬೆಚ್ಚಲಿ

ಟೆರರಿಸ್ಟುಗಳು ಸಾಯಲಿ

ಸೈನಿಕರ ಆತ್ಮವಿಶ್ವಾಸ ವರ್ಧಿಸಲಿ

ಭ್ರಷ್ಟ ರಾಜಕಾರಣಿಗಳು ಠೇವಣಿ ಕಳೆದುಕೊಳ್ಳಲಿ

ಆರ್ ಟಿ ಐ ನೆರವು ಜನ ಹೆಚ್ಚು ಹೆಚ್ಚು ಪಡೆದುಕೊಳ್ಳಲಿ

ಕ್ರಿಕೆಟ್ ಆಟಕ್ಕಿಂತ ಕಾಶ್ಮೀರಿನ ವಿಷಯದಲ್ಲಿ ಜನ ಹೆಚ್ಚು ಜಾಗೃತಗೊಳ್ಳಲಿ

ಹೊಸ ವಧುವರರಿಗೆ ಬರೇ ಹೆಣ್ಣು ಮಕ್ಕಳೇ ಹುಟ್ಟಲಿ

ಟ್ರಾಫಿಕ್ ಪೋಲಿಸ್ ಲಂಚ ಕೇಳುವುದು ಕಡಿಮೆಯಾಗಲಿ

ವಕೀಲರ ಗೂಂಡಾಗಿರಿ ನಿಲ್ಲಲಿ

1 ಲಕ್ಷ ಕೋಟಿ ಬಜೆಟ್ ಜಾರಿಯಾಗಲಿ

ಕೋಕ್ ಗಿಂತ ಎಳನೀರು ಹೆಚ್ಚು ಮಾರಾಟವಾಗಲಿ

ಬೆಂಗಳೂರಿನಲ್ಲಿನ ರೌಡಿಗಳು ಪರಸ್ಪರ ಮತ್ತಷ್ಟು ಹೊಡೆದಾಡಿಕೊಳ್ಳಲಿ

ಎಡಪಂಥಿಯರು, ಬಲಪಂಥಿಯರು ತಮ್ಮ ಮಾರ್ಗ ಬಿಡದಿರಲಿ

ಕನ್ನಡ ವಾಹಿನಿಗಳ ಪತ್ರಕರ್ತರ ಹಾಗೂ ಆಂಕರ್ ಗ ಕನ್ನಡ ಇನ್ನಾದರೂ ಸುಧಾರಿಸಲಿ

ಭಾರತದಲ್ಲಿ ಟಾಯ್ಲೆಟ್ ಗಳ ಸಂಖ್ಯೆ ಹೆಚ್ಚಲಿ

ಗೃಹಸಾಲದ ಮೇಲಿನ ಬಡ್ಡಿದರ ಮತ್ತಷ್ಟು ಏರದಿರಲಿ

ಮಚ್ಚು, ಲಾಂಗ್, ಪ್ರೇಮಕತೆಗಳ ಹುಚ್ಚಿನಿಂದ ಕನ್ನಡ ಚಿತ್ರರಂಗ ವಿಮುಖವಾಗಲಿ

ಕನ್ನಡ ಚಲನಚಿತ್ರ ಅಕಾಡೆಮಿ ‘ತಾರಾ’ ಮೆರಗು ಪಡೆಯಲಿ

ಪತ್ರಕರ್ತರು ಭ್ರಷ್ಟರಾಗುವುದು ಕಡಿಮೆಯಾಗಲಿ

ಪೋಲಿಸ್ ಪ್ಯಾದೆಗಳ ಕೆಲಸದ ಒತ್ತಡ ಕಡಿಮೆಯಾಗಲಿ

ನಕ್ಸಲ್ ಸಮಸ್ಯೆ, ಬೆಳಗಾವಿ ಗಡಿವಿವಾದ, ಬಗೆಹರಿಯಲಿ

ಲಾಸ್ಟ್ ಬಟ್ ನಾಟ್ ದಿ ಲೀಸ್ಟ್…

ಈ ವಿಶ್ ಲಿಸ್ಟ್ ನ ಎಲ್ಲ ವಿಶ್ ಗಳೂ ಇದೇ ವರ್ಷ ಪೂರ್ಣಗೊಳ್ಳಲಿ….

ಈ ಚಿತ್ರ ಭಯಾನಕವಾಗಿದೆ…ಆದರೆ ಪಬ್ಲಿಷ್ ಮಾಡದೇ ವಿಧಿಯಿಲ್ಲ…

ಫೋಟೋ ಹಾಗೂ ಮಾಹಿತಿ ಕಳುಹಿಸಿಕೊಟ್ಟಿದ್ದು ಜಿಗಣಿ ರಾಮಕೃಷ್ಣ.

ಇತ್ತೀಚೆಗೆ ಬೆಂಗಳೂರಿನಲ್ಲಿ ಈ ಅನಾಹುತ ನಡೆಯಿತು. ಯಾವುದೋ ಕಾರಣಕ್ಕೆ ಕಿಟಕಿಯಿಂದ ಹೊರಗೆ ಬಾಗಿದ ವ್ಯಕ್ತಿಯ ತಲೆ, ಪಕ್ಕದಲ್ಲಿ ನಿಲ್ಲಿಸಿದ್ದ ಕ್ಯಾಂಟರ್ ಗೆ ಹೊಡೆದು ಛಿದ್ರವಾಯಿತು. ಘಟನೆಗೆ ಬಸ್ ಚಾಲಕನ ಅಜಾಗರೂಕತೆ ಕಾರಣ ಎಂಬುದು ಪೋಲಿಸರ ನುಡಿ. ಆದರೆ ಹೀಗೆ ತಲೆ ಹೊರಗೆ ಹಾಕಿದ್ದು ತಪ್ಪು ಎಂಬುದು ಬಿಎಂಟಿಸಿಯ ವಾದ. ಈ ನಡುವೆ, ಬಸ್ ಗಳಿಗೆ ಹೊರಗಿನಿಂದ ಈ ರೀತಿ ಬಾರ್ ಹಾಕಿದರೆ, ಅಪಾಯ ತಡೆಗಟ್ಟಬಹುದು ಎಂಬುದು ವಾಸ್ತವ.

ಧರ್ಮಸಂಸ್ಥಾಪನಾರ್ಥಾಯ….2

ವಿಸ್ಮಯ ಒಮ್ಮೆ ತಲೆಯೆತ್ತಿ ತನ್ನ ನಿದ್ದೆಗೆಟ್ಟ ಕಣ್ಣುಗಳಿಂದ ಪ್ರಿಯಾಳತ್ತ ನೋಡಿದ. ಪ್ರಿಯಾ ಎಂಬ ಹೆಸರು ಈಕೆಗೆ ಎಷ್ಟು ಸೂಟ್ ಆಗುತ್ತೊ, ಗಚ್ಚಿನಕಟ್ಟಿ ಎಂಬ ಅಡ್ಡಹೆಸರು ಅಷ್ಟೇ ಯಡವಟ್ಟಾಗಿದೆ ಎಂದು ವಿಸ್ಮಯನಿಗೆ ಅನ್ನಿಸಿತು. ಹೀಗೆ ಅನ್ನಿಸಿದ್ದು ಇದೇನು ಮೊದಲ ಬಾರಿಯಲ್ಲ. ಆದರೆ ಇದನ್ನೆಂದೂ ಆತ ಪ್ರಿಯಾಳಿಗೆ ಹೇಳಿರಲಿಲ್ಲ. ತನ್ನ ವೈಯುಕ್ತಿಕ ವಿಷಯಗಳ ಬಗ್ಗೆ ತೀರಾ ಪರ್ಟಿಕ್ಯುಲರ್ ಆಗಿದ್ದ ಪ್ರಿಯಾ, ಹಿಂದೊಮ್ಮೆ ಬೈಲೈನ್ ನಲ್ಲಿ ಅಡ್ಡಹೆಸರು ಮಿಸ್ ಆಯಿತೆಂದು ಪೇಜ್ ಮಾಡುವವರನ್ನು ತರಾಟೆಗೆ ತೆಗೆದುಕೊಂಡು ಸಂಪಾದಕರಿಗೆ ದೂರಿತ್ತಿದ್ದು ವಿಸ್ಮಯನಿಗೆ ನೆನಪಾಯಿತು.

ಅಷ್ಟರಲ್ಲಿ ಪ್ರಿಯಾಳ ಗುಡಂಗ್ ಗರಮ್ ಹೊಗೆ ಮತ್ತೊಮ್ಮೆ ವಿಸ್ಮಯನ ಮುಖವನ್ನು ಆವರಿಸಿತು. ಆತನೆನೂ ಮುಖ ಸಿಂಡರಿಸಲಿಲ್ಲ. ಒಮ್ಮೆ ನಿಟ್ಟುಸಿರುಬಿಟ್ಟು ಕೇಳಿದ,

“ನಿಂಗೆ ಹಾಗೇ ಹೇಳೊದು ತುಂಬಾ ಈಝಿ ಕಣೆ….ಆದ್ರೆ ಇದನ್ನೆಲ್ಲ ನೆನೆಸ್ಕೊಂಡ್ರೆ ಮೈ ಉರಿಯತ್ತೆ ಗೊತ್ತಾ?”

“It’s ok Vismay. But what can you do in this situation? ನೋಡು, ಮಾಧ್ಯಮದಲ್ಲಿ ಕೆಲಸ ಮಾಡುವ ನಮಗೆ ಸಾಮಾಜಿಕ ಜವಾಬ್ದಾರಿ ಅನ್ನೊದು ಇಂದಿನ ಕಾಲದಲ್ಲಿ ಕೇವಲ ಒಂದು ಆಪ್ಶನ್….ನಾಟ್ ಮ್ಯಾಂಡೇಟರಿ. ಹಿಂದಿನ ಕಾಲದ ಥರ ಅಲ್ಲ ಆಯ್ತಾ? ನಿನ್ನ ಕೆಲಸದಿಂದ ಯಾರಿಗಾದ್ರೂ ಹೆಲ್ಪ್ ಆಗುತ್ತೆ ಅಂದ್ರೆ ಫೈನ್, ಆಗ್ಲಿಲ್ಲ ಅಂದ್ರೆ ಕತ್ತೆ ಬಾಲ. ಸಾಮಾಜಿಕ ಜವಾಬ್ದಾರಿಯನ್ನ ನೀನು ಯಾಕೆ ಆಬ್ಸೇಷನ್ ಮಾಡ್ಕೊಂಡಿದೀಯಾ?”

“ಆಬ್ಸೇಷನ್ ಅಲ್ಲ ಪ್ರಿಯಾ, ನಿನಗೆ ಸಾಮಾಜಿಕ ಜವಾಬ್ದಾರಿ ಅನ್ನೋದು ಆಪ್ಶನ್ ಆಗಿರ್ಬಹುದು. ಆದ್ರೆ ನನಗೆ ಅದು ಕರ್ತವ್ಯ ಅನ್ನಿಸುತ್ತೆ. I may sound too immature….ಆದ್ರೆ ನಾನು ಹೀಗೇ ಇರೋದಕ್ಕೆ ಇಷ್ಟ ಪಡ್ತೀನಿ. ಮೊನ್ನೆ ಬೀದರ್ ನಲ್ಲಿ ಏನಾಯ್ತು ಗೊತ್ತ, ಬಸ್ ಸ್ಟಾಂಡ್ ನಲ್ಲಿ ಒಂದೂವರೆ ವರ್ಷದ ಹೆಣ್ಣುಮಗುವಿನ ಶವ ಪತ್ತೆಯಾಯ್ತು. ಮುದ್ದಾದ ಫ್ರಾಕ್ ತೊಟ್ಟಿದ್ದ ಆ ಮಗು, ಸಾವಿನಲ್ಲೂ ಕ್ಯೂಟ್ ಆಗಿ ಕಾಣ್ತಾ ಇತ್ತು. ಆದರೆ ಅವಳಮ್ಮನಿಗೆ ಮಗುವಿನ ಅಂತ್ಯಸಂಸ್ಕಾರಕ್ಕೆ ದುಡ್ಡು ಇರ್ಲಿಲ್ಲಾಂತ ಆಕೆ ಬಸ್ ಸ್ಟಾಂಡ್ ನಲ್ಲಿ ಹೆಣ ಇಟ್ಟು ಭಿಕ್ಷೆ ಬೇಡಿ ಹಣ ಸಂಗ್ರಹಿಸಲು ಎಲ್ಲೊ ಹೋದ್ಲು. ಅಷ್ಟರಲ್ಲಿ ಪೋಲಿಸ್ರಿಗೆ ಹಿಂಗಿಂಗೆ ಶವ ಇದೆ ಅಂತ ಪಬ್ಲಿಕ್ ಮೆಸೆಜ್ ಹೋಗಿತ್ತು. ಪೋಲಿಸ್ರು ಬಂದು ಹೆಣ ಎತ್ಕೊಂಡು ಹೋದ್ರು, ತಾಯಿ ಬಂದಾಗ ಮಗುವಿನ ಶವ ಇರ್ಲಿಲ್ಲ….. ”

“ಓಕೆ. ಓಕೆ, ನನಗೂ ಗೊತ್ತು ಆ ಇನ್ಸಿಡೆಂಟ್. ನಾವೂ ಕವರ್ ಮಾಡಿದ್ವಲ್ಲ ಅದನ್ನ. ಆಮೇಲೇನಾಯ್ತು ಹೇಳು, ಪೋಲಿಸ್ರೇ ಅವಳಿಗೆ ಅಂತ್ಯಸಂಸ್ಕಾರಕ್ಕೆ ದುಡ್ಡು ಕೊಟ್ಟು ಎಲ್ಲವನ್ನೂ ಮಾಡಿ ಮುಗಿಸಿದ್ರಲ್ಲ…That story had a happy ending right?”

“What bloody happy ending Priya?  ನಾನು ಆ ವಿಷುವಲ್ ನೋಡ್ದೆ ಗೋತ್ತಾ? ಆ ಸುದ್ದಿಗೆ ಆಂಕರ್ ಕೂಡಾ ನಾನೇ ಆಗಿದ್ದೆ. ಪ್ಯಾಕೇಜ್ ರನ್ ಆಗ್ತಿದ್ದಾಗ, ನನ್ನ ಕಣ್ಣು ಎಷ್ಟು ಮಂಜಾಯ್ತು ಅಂದ್ರೆ, ಟಿಪಿ ಓದ್ಲಿಕ್ಕೇ ಆಗ್ಲಿಲ್ಲ. ಪಿಸಿಆರ್ ಗೆ ಕಮ್ಯುನಿಕೇಟ್ ಮಾಡ್ದೆನೇ ಸಡನ್ ಆಗಿ ಬ್ರೇಕ್ ಅನೌನ್ಸ್ ಮಾಡ್ಬಿಟ್ಟೆ. ಪಿಸಿಆರ್ ನಲ್ಲಿ ಪ್ರಶಾಂತ್ ಇದ್ದ, ಹೇಗೊ ಮ್ಯಾನೇಜ್ ಮಾಡ್ದ. ನೋಡು, ನಮ್ಮ ಸಿಸ್ಟಮ್ ಹೇಗಿದೆ ಅಂತ? ಒಂದು ಕಡೆ ಒಬ್ಬ ತಾಯಿಗೆ ತನ್ನ ಮಗುವಿನ ಅಂತ್ಯಸಂಸ್ಕಾರ ಮಾಡೊಕ್ಕೆ ದುಡ್ಡಿಲ್ಲ, ಮತ್ತೊಂದಡ್ಕೆ ನಮಗೆ ಬೇಲ್ಔಟ್ ಕೊಡಿ ಅಂತ ಮಲ್ಯ ಥರದವ್ರು ನಾಚಿಕೆಯಲ್ಲಿದೆ ಪರೋಕ್ಷವಾಗಿ ಬ್ಯಾಂಕ್ ಮೇಲೆ ಪ್ರೆಷರ್ ಹಾಕಿ ಅದ್ರಲ್ಲಿ ಸಕ್ಸಸ್ ಕೂಡಾ ಆಗ್ತಾರೆ. Is not ridiculous? ಬೀದರ್ ನ ಆ ಸ್ಟೋರಿ ಮೂರು ನಿಮಿಷದ ಪ್ಯಾಕೇಜ್ ಫಾರ್ಮಾಟ್ ನಲ್ಲಿ ಹೋದ್ರೆ, ಇದೇ ಮಲ್ಯನ ನ್ಯೂ ಇಯರ್ ಕ್ಯಾಲೆಂಡರ್ ಅರ್ಧ ಗಂಟೆ ಸೆಗ್ಮೆಂಟ್ ಆಗತ್ತೆ…. ”

“ಹೇಯ್ ವಿಸ್ಮಯ್, ಅದನ್ನೇ ನಾನು ಹೇಳೋದು ಡೋಂಟ್ ಟೇಕಿಟ್ ಟು ಹಾರ್ಟ್ ಅಂತ. ನಿನ್ಗೇ ಗೊತ್ತಿದೆ, ಕಿಂಗ್ ಫಿಷರ್ ಕ್ಯಾಲೆಂಡರ್ ಸೇಲ್ ಆಗತ್ತೆ. ಟಿಆರ್ ಪಿ ಬರತ್ತೆ. ಬೀದರ್ ಸ್ಟೋರಿ ಗೆ ಬರತ್ತಾ ಹೇಳು. ಕಿಂಗ್ ಫಿಷರ್ ನ ಮಾಡಲ್ ಹೆಚ್ಚು ತೋರಿಸಿದಷ್ಟೂ, ನಿನ್ನ ಸ್ಯಾಲರಿ ಹೆಚ್ಚಾಗುತ್ತೆ. ಮೈಂಡ್ ಇಟ್…..” ಅನ್ನುತ್ತ ಪ್ರಿಯಾ ಮತ್ತೊಂದು ಗುಡಂಗ್ ಗರಮ್ ಹತ್ತಿಸಿದಳು.

ವಿಸ್ಮಯನ ಮತ್ತಷ್ಟು ಡಿಸ್ಟರ್ಬ್ ಆಗಿ ಟೇಬಲ್ ಮೇಲಿದ್ದ ಕೋಕ್ ಕ್ಯಾನ್ ಅನ್ನು ತುಟಿಗೆ ಸೊಂಕಿಸಿದ.

(ಸಶೇಷ…)

 

ಧರ್ಮಸಂಸ್ಥಾಪನಾರ್ಥಾಯ…

ಮಾಧ್ಯಮ ಲದಗೊಂ

“ಇಟ್ಸ್ ಎ ವಿಶೀಯಸ್ ಸರ್ಕಲ್ ಬ್ರೊ…..ಡೋಂಟ್ ಟೇಕ್ ಇಟ್ ಟು ಹಾರ್ಟ್, ಜಸ್ಟ್ ಚಿಲ್” ಎನ್ನುತ್ತ ಪ್ರಿಯಾ ಗಚ್ಚಿನಕಟ್ಟಿ, ಗುಡಂಗ್ ಗರಮ್ ಸಿಗರೇಟಿನ ಕಿಟ್ಟವನ್ನು ಆಶ್ ಟ್ರೇಯಲ್ಲಿ ಚೆಲ್ಲಿದಳು. ಅವಳು ಬಿಟ್ಟ ಆ ಯಾಲಕ್ಕಿ ಸುಗಂಧ ಭರಿತ ಹೊಗೆ ವಿಸ್ಮಯನ ಮುಖವನ್ನೆಲ್ಲ ಆವರಿಸಿತು. ಒಂದು ಕ್ಷಣ ವಿಸ್ಮಯನಿಗೆ ಹಿತವೆನ್ನಿಸಿದರೂ, ಅದು ಅಂದು ಆಫೀಸಿನಲ್ಲಿ ಉಂಟಾಗಿದ್ದ ಅಹಿತಕರ ಅನುಭವವನ್ನು ಕಡಿಮೆ ಮಾಡಲಿಲ್ಲ.

(ಸಶೇಷ……)

ಬಣ್ಣ ನನ್ನ ಒಲವಿನ ಬಣ್ಣ….

ಹೋಳಿ ಹಬ್ಬದ ಹಾರ್ದಿಕ ಶುಭಾಶಯಗಳು. ಬದುಕಿನಲ್ಲಿ ಬಣ್ಣಗಳಿರಲಿ, ಬದುಕು ರಂಗೇರಲಿ….

ಬಣ್ಣ...ನನ್ನ ಒಲವಿನ ಬಣ್ಣ...

‘ಅಪಾರ’ ಕಳಿಸಿದ ‘ಸುಘೋಷ್’ ಕ್ಯಾಲಿಗ್ರಫಿ…

ಆತ್ಮೀಯ ಸ್ನೇಹಿತ ‘ಅಪಾರ’, ಕುಂಚದಲ್ಲಿ ಮೂಡಿಬಂದ ಸುಘೋಷ್…

ವಕೀಲರ ಗೂಂಡಾವರ್ತನಗೆ ಧಿಕ್ಕಾರವಿರಲಿ…

ಒಟ್ಟು ಹದಿನೆಂಟು ಪತ್ರಕರ್ತರು ನಿನ್ನೆ ಗಾಯಗೊಂಡಿದ್ದಾರೆ. ವಕೀಲರ ಗೂಂಡಾಗಿರಿ ಮಿತಿಮೀರಿದೆ. ಇದ್ಯಾವ ನ್ಯಾಯ?

(ಚಿತ್ರಕೃಪೆ – ಬ್ಯಾಂಗಲೋರ್ ಮಿರರ್)