ಸ್ವಿಮ್ಮಿಂಗ್ ಪೂಲ್ ನಲ್ಲಿ ಎನ್ ಕ್ವೈರಿ

123
ಬೆಂಗಳೂರಿನ ಪ್ರಸಿದ್ಧ ಬಿಬಿಎಂಪಿಯ ಪ್ರಸಿದ್ಧ ಸ್ವಿಮ್ಮಿಂಗ್ ಪೂಲ್ ವೊಂದರಲ್ಲಿ ಸ್ನೇಹಿತನನ್ನು ಕ್ಲಾಸಿಗೆ ಸೇರಿಸಬೇಕೆಂದು ಹೋಗಿದ್ದೆ. ಆತ ಯಾವುದೋ ಕಾರಣಕ್ಕೆ ಹೊರಗೆ ಹೋದ. ಅಲ್ಲಿಯ ಮ್ಯಾನೇಜರ್ ಜೊತೆ ನಾನು ಕೂತಿದ್ದೆ. ಆಗ ಸುಮಾರು 30 ವರ್ಷದ ಒಬ್ಬ ವ್ಯಕ್ತಿ ಹಾಗೂ ಮತ್ತೊಬ್ಬ ವಯಸ್ಕರು ಎನ್ ಕ್ವೈರಿಗಾಗಿ ಬಂದರು. ನಾವು ಬರೀ ವೀಕ್ ಎಂಡ್ ಕ್ಲಾಸಿಗೆ ಅಷ್ಟೇ ಬರ್ತೀವಿ, ನೀರಿನ ಆಳ ಎಷ್ಟು, ಕೋಚಿಂಗ್ ಯಾವ ರೀತಿ ಇರುತ್ತೆ, ವೀಕ್ ಎಂಡ್ ಅಷ್ಟೇ ಬಂದರೆ ಸ್ವಿಮ್ಮಿಂಗ್ ಕಲಿಯಲು ಎಷ್ಟು ದಿನ ಬೇಕು ಎಂದೆಲ್ಲ ತರಹೇವಾರಿ ಪ್ರಶ್ನೆ ಕೇಳಿದರು. ಪರಮ ನಿರ್ಲಿಪ್ತನಾಗಿದ್ದ ಮ್ಯಾನೇಜರ್ ಅವರ ಎಲ್ಲ ಪ್ರಶ್ನೆಗಳಿಗೆ ನಿರ್ಲಿಪ್ತನಾಗಿ ಉತ್ತರಿಸುತ್ತಿದ್ದ. ಕೊನೆಗೆ ಅವರಲ್ಲೊಬ್ಬ, “ಸರ್ ನಾವು ವೀಕೆಂಡ್ ಮಾತ್ರ ಬರೋರು, ಅದೂ ಸಂಜೆ 7 ರಿಂದ 9. ಆಗ ಸ್ವಿಮ್ಮಿಂಗ್ ಪೂಲ್ ನಲ್ಲಿ ಬಿಸಿ ನೀರು ಇರುತ್ತಾ?” ಎಂದು ಕೇಳಿದ. ಮ್ಯಾನೇಜರ್ ಗೆ ರೇಗಿ ಹೋಯಿತು, “ಸರ್, ನೀವು ಬೆಂಗಳೂರಿನ ಯಾವುದೇ ಸ್ವಿಮ್ಮಿಂಗ್ ಪೂಲ್ ಗೆ ಹೋಗಿ, ಎಲ್ಲಿಯೂ ಬಿಸಿನೀರು ಇರುವುದಿಲ್ಲ” ಎಂದ. ನಾನು ಹೇಗೇಗೋ ನಗು ಕಂಟ್ರೋಲ್ ಮಾಡಿದೆ.

Advertisements